BENESTAR SOCIAL
A carpetiña que recolle as primeiras fichas e as que se editarán posteriormente, inclúe un mapa orientador e as direccións dos cinco Puntos de Atención de Servizos Sociais cos que conta o Concello: Conxo, Galeras, Fontiñas, Cabes (Casa das Asociacións de Benestar Social) e Ensanche. A estes puntos dedícase unha das fichas, resaltando que dende eles as traballadoras sociais e outros profesionais atenden á cidadanía o máis preto posible aos ámbitos familiar e social. Cómpre lembrar que neles se ofrece orientación sobre os recursos sociais e prestacións, asesoramento, xestión na tramitación de prestacións, apoio e alternativas á convivencia, apoio á familia, derivación aos servizos sociais específicos, etc.
Outra rama dos Servizos Sociais é a participación social. Esta articúlase principalmente a través da Casa das Asociacións de Benestar Social, recentemente aberta na rúa Manuel María (Salgueiriños) e dos consellos municipais de Servizos Sociais, Persoas Maiores, Migracións e Muller, ademais do apoio directo a través do tecido social coa sinatura de convenios de colaboración. Neste ano 2010 asináronse 26 convenios con outras tantas entidades.
O Servizo de Axuda no Fogar ten outra ficha específica, no que se recorda que está dirixido ás persoas ou familias que o precisen, principalmente ás persoas maiores, persoas con discapacidade e nos fogares de familias con menores en necesidade de intervencións socio-educativas.
Finalmente, tamén conta cun apartado propio o Programa de Inclusión Sociolaboral, dirixido ás persoas residentes en Santiago con especiais dificultades para a súa integración no mercado de traballo. O equipo municipal destinado a este cometido ofrece información, orientación e asesoramento laboral; orientación para a formación; promoción de habilidades sociais e formación prelaboral; e intermediación laboral. Todo isto complementado por unha bolsa de emprego e polo contacto con empresarios e empresas potencialmente ofertantes.
As Guías serán repartidas en centros socioculturais, asociacións veciñais, entidades de iniciativa social, xulgados, centros de saúde, etc.
Unha nova guía achega aos cidadáns información básica sobre as prestacións dos servizos sociais do Concello de Santiago
08/11/2010 A concelleira de Benestar Social e Igualdade, Mar Martín, presentou a Guía de Servizos Sociais. Esta nova publicación ofrece a través de sinxelas fichas, información básica sobre algunhas das prestacións que ofrece o Departamento.
As fichas informan definen cada unha das prestacións e o que ofrecen, a quen van dirixidas e onde están. Segundo indicou Mar Martín, editáronse inicialmente catro fichas, ás que se irán incorporando outras relativas a servizos como o Centro de Atención á Muller, a Unidade de Atención ás Familias, a Unidade de Atención ás Migracións, etc. O obxectivo da Guía, indicou, é "aproximar so Servizos Sociais aos barrios e darlle unha orientación sociocomunitaria".A carpetiña que recolle as primeiras fichas e as que se editarán posteriormente, inclúe un mapa orientador e as direccións dos cinco Puntos de Atención de Servizos Sociais cos que conta o Concello: Conxo, Galeras, Fontiñas, Cabes (Casa das Asociacións de Benestar Social) e Ensanche. A estes puntos dedícase unha das fichas, resaltando que dende eles as traballadoras sociais e outros profesionais atenden á cidadanía o máis preto posible aos ámbitos familiar e social. Cómpre lembrar que neles se ofrece orientación sobre os recursos sociais e prestacións, asesoramento, xestión na tramitación de prestacións, apoio e alternativas á convivencia, apoio á familia, derivación aos servizos sociais específicos, etc.
Outra rama dos Servizos Sociais é a participación social. Esta articúlase principalmente a través da Casa das Asociacións de Benestar Social, recentemente aberta na rúa Manuel María (Salgueiriños) e dos consellos municipais de Servizos Sociais, Persoas Maiores, Migracións e Muller, ademais do apoio directo a través do tecido social coa sinatura de convenios de colaboración. Neste ano 2010 asináronse 26 convenios con outras tantas entidades.
O Servizo de Axuda no Fogar ten outra ficha específica, no que se recorda que está dirixido ás persoas ou familias que o precisen, principalmente ás persoas maiores, persoas con discapacidade e nos fogares de familias con menores en necesidade de intervencións socio-educativas.
Finalmente, tamén conta cun apartado propio o Programa de Inclusión Sociolaboral, dirixido ás persoas residentes en Santiago con especiais dificultades para a súa integración no mercado de traballo. O equipo municipal destinado a este cometido ofrece información, orientación e asesoramento laboral; orientación para a formación; promoción de habilidades sociais e formación prelaboral; e intermediación laboral. Todo isto complementado por unha bolsa de emprego e polo contacto con empresarios e empresas potencialmente ofertantes.
As Guías serán repartidas en centros socioculturais, asociacións veciñais, entidades de iniciativa social, xulgados, centros de saúde, etc.