ALCALDÍA
Seiscentos congresistas debaten en Santiago sobre a enerxía nuclear
06/10/2010 O alcalde compostelán inaugurou a 36ª Reunión Anual da Sociedade Nuclear Española. Celébrase do 6 ao 8 de outubro no Palacio de Congresos e Exposicións de Galicia. Na xornada anterior, Sánchez Bugallo recibira os participantes en Raxoi.
Uns 600 congresistas participan neste congreso anual, no que se debaten as vantaxes e desenvolvementos da enerxía nuclear en España e no mundo, así como todos os temas de actualidade nuclear. Son representantes do sector nuclear español (empresas eléctricas, empresas de servizos, centros de investigación, universidades, etc) representantes de empresas internacionais, deseñadores de reactores, empresas situadas en Galicia e organismos oficiais. Tamén se preparou unha exposición representativa das empresas e organismos ligados co sector.