CULTURA
Tamén para esta xornada está prevista a actuación de Treceacero, un grupo de teatro que combina artistas profesionais e non profesionais e que exporá nesta peza de teatro, titulada Coctail, un encontro creativo de persoas a través das artes escénicas. A cita teatral será ás 22:00 horas na arcada do parque de Bonaval.
A última nota musical do día virá da man de O2ZEN, un quinteto con sede en Burdeos (Francia) que propón un hip-hop orixinal, con influencias do jazz e aderezado con guitarras acústicas e frautas. Os rapeiros MC AI e MC Jaco encabezan esta formación musical, que actuará a partir das 23:00 horas na Zona C.
Ademais, segue aberta nesta Zona C, de 10:00 a 20:00 horas, a exposición da artista Nuria Ruibal, que baixo o nome O ser humano ante a mirada do outro ofrece unha colección de traballos no que se fala da vulnerabilidade do ser humano e o seu eu máis íntimo, así como das barreiras das que dispón para defenderse e relacionarse co mundo exterior.
Música brasileira, hip-hop e teatro no último venres do Festival dos Abrazos
26/08/2010 Na xornada do venres 27 do Festival dos Abrazos, o público terá a oportunidade de elixir entre a música vangardista brasileira da Banda Afrofunk, o teatro de Treceacero ou o hip-hop de O2ZEN.
Para o último venres do Festival dos Abrazos está programado o concerto da Banda Afrofunk, que fora suspendido o luns 23. Este espectáculo musical terá lugar ás 20:30 horas na Rúa de San Paio de Antealtares. Trátase dunha proposta musical atrevida, enmarcada dentro da música vangardista brasileira. O trío revisa os ritmos nordestiños e os ritmos tradicionais ao tempo que mestura as cantigas populares con outros estilos, creando así un ambiente místico, natural, propondo unha viaxe arredor do mundo afro.Tamén para esta xornada está prevista a actuación de Treceacero, un grupo de teatro que combina artistas profesionais e non profesionais e que exporá nesta peza de teatro, titulada Coctail, un encontro creativo de persoas a través das artes escénicas. A cita teatral será ás 22:00 horas na arcada do parque de Bonaval.
A última nota musical do día virá da man de O2ZEN, un quinteto con sede en Burdeos (Francia) que propón un hip-hop orixinal, con influencias do jazz e aderezado con guitarras acústicas e frautas. Os rapeiros MC AI e MC Jaco encabezan esta formación musical, que actuará a partir das 23:00 horas na Zona C.
Ademais, segue aberta nesta Zona C, de 10:00 a 20:00 horas, a exposición da artista Nuria Ruibal, que baixo o nome O ser humano ante a mirada do outro ofrece unha colección de traballos no que se fala da vulnerabilidade do ser humano e o seu eu máis íntimo, así como das barreiras das que dispón para defenderse e relacionarse co mundo exterior.