TURISMO
Thor Vilhjámsson percorre o camiño durante cinco documentais divididos en fases importantes da historia. A primeira, que é a que se estrea o día 29, titúlase Preludio e é o comezo da viaxe do escritor. Poderá verse en versión orixinal con subtítulos en galego.
Na expedición vívense textos literarios medievais islandeses, as propias novelas do afamado autor e incorpóranse pouco a pouco os escritos que Vilhjámsson vai redactando a través da súa aventura.
Este reto documental, sobre todo no eido social islandés no que Vilhjámsson é moi coñecido, foi apoiado por organismos como MEDIA Program da Unión Europea, a Icelandic Film Centre ou o Ministerio de Cultura de Islandia. Tamén a Santiago de Compostela Film Commission apoia a estrea agora en Compostela. O equipo que realizou a súa andaina ao mesmo tempo que o literato durante o ano 2005 quere estrear durante este ano Xacobeo esta longametraxe precisamente onde remata a historia que contan: Santiago de Compostela.
Estrea mundial da longametraxe documental islandesa "O soño do Camiño"
22/07/2010 O xoves 29 de xullo, ás 21:00 horas, o Teatro Principal acolle a estrea da primeira dunha serie de cinco longametraxes documentais sobre a viaxe do famoso escritor islandés Thor Vilhjámsson a través do Camiño Francés. Esta estrea é ofrecida pola Santiago de Compostela Film Commission e a entrada é libre.
Erlendur Sveinsson, director da cinta, segue de preto os pasos do consagrado escritor islandés que, despois de corenta anos, pode facer realidade o seu soño de realizar non só un reto físico para un home de oitenta anos, senón tamén concluír unha viaxe espiritual e temporal pola súa vida profesional e os recordos que o invaden ao pasar polos vellos camiños da ruta.Thor Vilhjámsson percorre o camiño durante cinco documentais divididos en fases importantes da historia. A primeira, que é a que se estrea o día 29, titúlase Preludio e é o comezo da viaxe do escritor. Poderá verse en versión orixinal con subtítulos en galego.
Na expedición vívense textos literarios medievais islandeses, as propias novelas do afamado autor e incorpóranse pouco a pouco os escritos que Vilhjámsson vai redactando a través da súa aventura.
Este reto documental, sobre todo no eido social islandés no que Vilhjámsson é moi coñecido, foi apoiado por organismos como MEDIA Program da Unión Europea, a Icelandic Film Centre ou o Ministerio de Cultura de Islandia. Tamén a Santiago de Compostela Film Commission apoia a estrea agora en Compostela. O equipo que realizou a súa andaina ao mesmo tempo que o literato durante o ano 2005 quere estrear durante este ano Xacobeo esta longametraxe precisamente onde remata a historia que contan: Santiago de Compostela.