URBANISMO
A boa saúde da demanda, se as condicións de adquisición son máis vantaxosas, reflíctese no tipo de vivenda proposto para construción, máis do 56% de prezo concertado, un 32% de réxime xeral e o restante 12% de réxime especial.
A iniciativa do Goberno municipal de utilizar a súa empresa instrumental para reaccionar de forma inmediata e realista ante as novas condicións do mercado (novo prego con facilidades de financiamento aprobado en marzo) permitiu superar o primeiro paso co concurso de solo que vén de rematar, e do que poden derivar máis vendas directas a medio prazo.
Ademais, neste consello tratáronse outros temas como a continuación das obras para rematar a urbanización do SUNP-14 de Tras Paxonal, o pagamento dos gastos de vivendas para realoxo no SUP-7, un contrato de prestación de servizos inmobiliarios e administración para o aluguer de vivendas na rúa do Medio adscrito ao programa de edificios tutelados, a liquidación de obras no SUNP-11 do Castiñeiriño para dar paso á urbanización total do polígono, e outros asuntos de trámite.
Outras 101 familias poderán acceder a unha vivenda digna tras a resolución do concurso de solo convocado en maio
21/07/2010 No Consello de Administración de EMUVISSA celebrado baixo a presidencia do alcalde, Xosé A. Sánchez Bugallo, resolveuse o concurso de solo convocado en maio e cuxo prazo de presentación finalizou o día 12 de xullo. Á oferta de nove parcelas para vivendas protexidas presentáronse seis ofertas. No primeiro concurso de solo deste ano 2010 cubriuse máis do 50% das expectativas. Un resultado notable nunha situación de aguda contención do mercado.
Hai propostas para construír 101 vivendas. Desta vez adxudicáronse 4.000 metros cadrados dos 7.900 ofertados (51%) por case 3 millóns de euros. Coas ofertas presentadas complétase a capacidade do polígono de Lamas de Abade e so restan unha parcela no Castiñeiriño, dúas parcelas en Pontepedriña e tres en Tras Paxonal para rematar a oferta de vivenda social nos polígonos do sur en fase de remate da urbanización.A boa saúde da demanda, se as condicións de adquisición son máis vantaxosas, reflíctese no tipo de vivenda proposto para construción, máis do 56% de prezo concertado, un 32% de réxime xeral e o restante 12% de réxime especial.
A iniciativa do Goberno municipal de utilizar a súa empresa instrumental para reaccionar de forma inmediata e realista ante as novas condicións do mercado (novo prego con facilidades de financiamento aprobado en marzo) permitiu superar o primeiro paso co concurso de solo que vén de rematar, e do que poden derivar máis vendas directas a medio prazo.
Ademais, neste consello tratáronse outros temas como a continuación das obras para rematar a urbanización do SUNP-14 de Tras Paxonal, o pagamento dos gastos de vivendas para realoxo no SUP-7, un contrato de prestación de servizos inmobiliarios e administración para o aluguer de vivendas na rúa do Medio adscrito ao programa de edificios tutelados, a liquidación de obras no SUNP-11 do Castiñeiriño para dar paso á urbanización total do polígono, e outros asuntos de trámite.