MEDIO AMBIENTE
O traballo do laboratorio está organizado en fases. Na Fase 1, na que se vai comezar a traballar de xeito inmediato, os obxectivos son:
o Efectuar o inventario dos recursos naturais, parques urbanos e periurbanos a través das tecnoloxías SIX.
o Localización dos espazos, delimitación, dimensións e definición a través do SIX.
o Elaboración de mapas temáticos xerais e datos cuantitativos con referencias espaciais e informacións pertinentes para a análise das paisaxes e planeamento do territorio.
Neste sentido, os recursos naturais a inventariar son: parques, xardíns, parques infantís, cemiterios axardinados; espazos de ornamento da vía pública (árbores aliñadas); xardíns familiares, xardíns común; espazos de lecer (áreas de xogos, áreas de deporte, camiños, sendeiros); bosques, florestas; espazos naturais (zonas natura 2000, ZNIEFF, ZICO); tellados e muros vexetalizados; zonas húmidas (pantanos, xunqueiras), superficies de auga (ríos, lagoas, regatos); ou espazos agrícolas.
Deses recursos naturais estudaranse as súas funcións de composición urbana, como contribúen á organización do territorio e das formas urbanas; as funcións de melloramento da calidade de vida; as sociais; as físicas e ecolóxicas e as económicas. Para esta primeira acción acordaron destinar 166.000 euros, encargándose Angers da contratación en nome de todos os parceiros.
Na reunión tratáronse tamén diferentes aspectos relacionados coa xestión administrativa do proxecto e acordouse solicitar unha reunión co Secretariado do Proxecto Interreg-Espazo Atlántico para abordar a reprogramación dalgunhas das actuacións previstas. Ademais, acordouse que Santiago de Compostela procederá de inmediato á contratación das asistencias técnicas de comunicación e espazo web do proxecto; secretaría técnica-administrativa e auditoría. Por último, quedaron en reunirse de novo no mes de xaneiro en Limerick para presentar o avance do traballo do Laboratorio Virtual, ver a Web-Site e o Plan de Comunicación, así coma o comezo da Formación.
O comité directivo do proxecto Parques Urbanos Atlánticos-Parkatlantic constitúe un Laboratorio Virtual Urbano
02/07/2010 A concelleira de Medio Ambiente, Elvira Cienfuegos, xunto co xefe de Parques e Xardíns, José Antonio Mosquera, e o técnico de Medio Ambiente, Ángel Pérez Otero, participan na xuntanza ordinaria do Comité de Directivo do Proxecto Parques Urbanos Atlánticos-Parkatlantic en Angers.
Nesa xuntanza, o Comité Directivo vén de aprobar a constitución dun Laboratorio Virtual Urbano, un órgano formado por técnicos dos parceiros que se encargará de estudar e inventariar os recursos naturais das cidades obxecto do programa; elaborar o plano de actuación común, o de formación transnacional, así como da promoción de políticas de sustentabilidade.O traballo do laboratorio está organizado en fases. Na Fase 1, na que se vai comezar a traballar de xeito inmediato, os obxectivos son:
o Efectuar o inventario dos recursos naturais, parques urbanos e periurbanos a través das tecnoloxías SIX.
o Localización dos espazos, delimitación, dimensións e definición a través do SIX.
o Elaboración de mapas temáticos xerais e datos cuantitativos con referencias espaciais e informacións pertinentes para a análise das paisaxes e planeamento do territorio.
Neste sentido, os recursos naturais a inventariar son: parques, xardíns, parques infantís, cemiterios axardinados; espazos de ornamento da vía pública (árbores aliñadas); xardíns familiares, xardíns común; espazos de lecer (áreas de xogos, áreas de deporte, camiños, sendeiros); bosques, florestas; espazos naturais (zonas natura 2000, ZNIEFF, ZICO); tellados e muros vexetalizados; zonas húmidas (pantanos, xunqueiras), superficies de auga (ríos, lagoas, regatos); ou espazos agrícolas.
Deses recursos naturais estudaranse as súas funcións de composición urbana, como contribúen á organización do territorio e das formas urbanas; as funcións de melloramento da calidade de vida; as sociais; as físicas e ecolóxicas e as económicas. Para esta primeira acción acordaron destinar 166.000 euros, encargándose Angers da contratación en nome de todos os parceiros.
Na reunión tratáronse tamén diferentes aspectos relacionados coa xestión administrativa do proxecto e acordouse solicitar unha reunión co Secretariado do Proxecto Interreg-Espazo Atlántico para abordar a reprogramación dalgunhas das actuacións previstas. Ademais, acordouse que Santiago de Compostela procederá de inmediato á contratación das asistencias técnicas de comunicación e espazo web do proxecto; secretaría técnica-administrativa e auditoría. Por último, quedaron en reunirse de novo no mes de xaneiro en Limerick para presentar o avance do traballo do Laboratorio Virtual, ver a Web-Site e o Plan de Comunicación, así coma o comezo da Formación.