Ábrese o prazo de solicitude do uso das instalacións deportivas municipais para a temporada 2010/2011

DEPORTES

02/07/2010 Co fin de poñer en funcionamento os pavillóns e campos de fútbol municipais, así como as pistas de atletismo do estadio de San Lázaro para a vindeira temporada 2010/2011, as entidades que teñan previsto participar en actividades de carácter periódico nestas instalacións deben presentar a súas solicitudes. A Concellería de Deportes informa que o prazo estará aberto do 5 ao 26 de xullo.

Poderán presentar a súa solicitude clubs federados, entidades deportivas e centros escolares que non posúan ningún tipo de instalación deportiva para o desenvolvemento da materia de Educación Física. No caso dos clubs e entidades deportivas, será requisito obrigatorio estar inscrito no rexistro municipal de asociacións. O resto de solicitudes, así como as presentadas fóra de prazo, só serán atendidas función da dispoñibilidade horaria.

Os formularios de solicitude están dispoñibles nas oficinas do Departamento de Deportes e na páxina web do Concello (www.santiagodecompostela.gal).

As solicitudes deberán de presentarse en calquera dos rexistros do Concello de Santiago:

- Rexistro Xeral : R/ Presidente Salvador Allende, 4 Baixo (Galeras)
- Rexistro Auxiliar de Fontiñas: Rúa Berlín, 13 (Centro sociocultural)
- Rexistro Auxiliar do Ensanche: Rúa Frei Rosendo Salvado, 14-16 (Centro Sociocultural)

Máis información no Departamento de Deportes: 981 528 730 (de 9:00 a 14:00 horas).