IGUALDADE
A Lei do traballo en igualdade das mulleres en Galicia naceu co obxectivo da integración da dimensión da igualdade de oportunidades entre mulleres e homes nas competencias autonómicas sobre emprego e relacións laborais, tal como se explica no seu Título Preliminar. A súa aplicación esténdese a ámbitos como o acceso ao emprego, a formación profesional, a promoción profesional, as condicións de traballo ou a participación en organizacións sindicais ou empresariais.
Mesa redonda sobre o traballo en igualdade en Galicia
18/05/2010 A concelleira de Benestar Social e Igualdade, Mar Martín, moderará o vindeiro xoves, a partir das 20:00 horas, unha mesa redonda baixo o título "A Lei 2/2007, do traballo en igualdade das mulleres en Galicia. Tres anos da súa aplicación práctica". A charla celebrarase no salón de actos da Cámara Oficial de Comercio de Santiago (San Pedro de Mezonzo, 44 baixo).
Nesta mesa redonda, organizada pola Concellería de Igualdade, participarán a secretaria xeral da Cámara de Comercio, Industria e Navegación, Filomena Casal Gómez, e a asesora xurídica do Centro de Información á Muller da Coruña, María Debén Alfonso. Elas analizarán os resultados da aplicación desta lei autonómica cando se cumpren tres anos da súa aprobación.A Lei do traballo en igualdade das mulleres en Galicia naceu co obxectivo da integración da dimensión da igualdade de oportunidades entre mulleres e homes nas competencias autonómicas sobre emprego e relacións laborais, tal como se explica no seu Título Preliminar. A súa aplicación esténdese a ámbitos como o acceso ao emprego, a formación profesional, a promoción profesional, as condicións de traballo ou a participación en organizacións sindicais ou empresariais.