CENTROS SOCIOCULTURAIS
O programa de 2010 compóñeno 13 saídas entre abril e novembro. Sete delas son dun día e as outras seis de varias xornadas. "Ao deseñar o programa tívose en conta que era Ano Santo, polo que algunhas das saídas tratan de dar a coñecer lugares relacionados co Camiño", sinalou Socorro García Conde. Ademais da "Ruta do Mar", pola ría de Arousa, e a "Ruta da Prata" en Extremadura, o programa inclúe a "Ruta das augas", unha excursión pola zona de Verín e A Limia, que transcorrerá polo Camiño Sanabrés; as viaxes ao "Portugal de Viriato" e ao "Portugal interior", que pasarán polo Camiño Portugués; e a "Ruta do silencio", pola zona do Bierzo, que inclúe tramos do Camiño Francés.
Outro dos eixos do programa é o coñecemento do noso contorno máis próximo, no que se tratará de poñer en valor o patrimonio histórico, cultural e natural. É o caso das excursións "Ruta da Mariña lucense", "As paisaxes do verán", pola península do Barbanza; "En tren pola Ribeira Sacra" e "Recunchos de Sobrado dos Monxes". Outro grupo de viaxes tratan de achegar aos composteláns a outras culturas. É o caso das viaxes ao "Midi francés", "Entorno a Madrid" e "Cruceiro polo Atlántico", que chegará ao Algarve, Casablanca e Málaga.
Modesto López destacou que "este é o sexto ano que traballamos as excursións en rede". Nesta ocasión buscouse "darlle un enfoque máis cultural ás viaxes, con máis visitas a museos e espazos naturais. Tamén innovamos co uso doutros medios de transporte, como o tren e o barco".
Dende 10 euros
O prezo das excursións dun día é de 10 euros para os asociados á Rede de Centros Socioculturais e 15 euros para os demais. Nestas excursións non se inclúen no prezo as comidas, entradas a museos e pazos e outros billetes. No caso das viaxes de varias xornadas o custe oscilará entre os 83 e os algo máis de 600 euros da viaxe ao Midi francés, e inclúen aloxamento, entradas e pensión completa.
Para inscribirse, obter máis información ou asociarse á Rede de Centros Socioculturais abonda con dirixirse a un dos seis centros de cabeceira: Vite, Conxo, Fontiñas, Ensanche, Castiñeiriño e A Trisca. Cada unha das viaxes ten unha data de inicio de inscrición xa fixada. A primeira será a "Ruta das augas" o 10 de abril, para a que se abre a inscrición o xoves 25 de marzo.
O programa de viaxes e excursións da Rede de Centros Socioculturais visitará lugares relacionados co Camiño
24/03/2010 A concelleira de Cultura e Centros Socioculturais, Socorro García Conde, e o responsable do programa, Modesto López de Sande, presentaron o programa de viaxes e excursións da Rede de Centros Socioculturais. Por sexto ano apóstase por organizar en rede estas actividades dirixidas a todos os públicos, nas que o ano pasado participaron máis de mil persoas.
Segundo explicou a edil, o programa de excursións pretende ampliar a visión de España, Portugal e Francia, dar a coñecer o noso contorno natural, cultural e histórico, fomentar a convivencia e ofrecer unha actividade para o tempo de lecer. O programa inclúe excursións dun día e viaxes de varios días, van dirixidas a todos os públicos e comprenden actividades aptas para todas as idades.O programa de 2010 compóñeno 13 saídas entre abril e novembro. Sete delas son dun día e as outras seis de varias xornadas. "Ao deseñar o programa tívose en conta que era Ano Santo, polo que algunhas das saídas tratan de dar a coñecer lugares relacionados co Camiño", sinalou Socorro García Conde. Ademais da "Ruta do Mar", pola ría de Arousa, e a "Ruta da Prata" en Extremadura, o programa inclúe a "Ruta das augas", unha excursión pola zona de Verín e A Limia, que transcorrerá polo Camiño Sanabrés; as viaxes ao "Portugal de Viriato" e ao "Portugal interior", que pasarán polo Camiño Portugués; e a "Ruta do silencio", pola zona do Bierzo, que inclúe tramos do Camiño Francés.
Outro dos eixos do programa é o coñecemento do noso contorno máis próximo, no que se tratará de poñer en valor o patrimonio histórico, cultural e natural. É o caso das excursións "Ruta da Mariña lucense", "As paisaxes do verán", pola península do Barbanza; "En tren pola Ribeira Sacra" e "Recunchos de Sobrado dos Monxes". Outro grupo de viaxes tratan de achegar aos composteláns a outras culturas. É o caso das viaxes ao "Midi francés", "Entorno a Madrid" e "Cruceiro polo Atlántico", que chegará ao Algarve, Casablanca e Málaga.
Modesto López destacou que "este é o sexto ano que traballamos as excursións en rede". Nesta ocasión buscouse "darlle un enfoque máis cultural ás viaxes, con máis visitas a museos e espazos naturais. Tamén innovamos co uso doutros medios de transporte, como o tren e o barco".
Dende 10 euros
O prezo das excursións dun día é de 10 euros para os asociados á Rede de Centros Socioculturais e 15 euros para os demais. Nestas excursións non se inclúen no prezo as comidas, entradas a museos e pazos e outros billetes. No caso das viaxes de varias xornadas o custe oscilará entre os 83 e os algo máis de 600 euros da viaxe ao Midi francés, e inclúen aloxamento, entradas e pensión completa.
Para inscribirse, obter máis información ou asociarse á Rede de Centros Socioculturais abonda con dirixirse a un dos seis centros de cabeceira: Vite, Conxo, Fontiñas, Ensanche, Castiñeiriño e A Trisca. Cada unha das viaxes ten unha data de inicio de inscrición xa fixada. A primeira será a "Ruta das augas" o 10 de abril, para a que se abre a inscrición o xoves 25 de marzo.