CULTURA
Socorro García amosou o seu orgullo de que "xa haxa na rúa quince títulos máis estes catro novos da mellor literatura europea contemporánea dentro dunha colección xa consolidada, e con garantías de permanecer no futuro, a pesar dos vaivéns económicos". A concelleira destacou que o compromiso do Concello coa Biblioteca Compostela é "unha aposta pola literatura e tamén polo idioma, que nestes tempos é moi necesaria". Para a edil, esta colección é "unha mostra de que a nosa cultura, lonxe de estar acomplexada ou ensimesmada, dialoga coas outras culturas do mundo".
García Conde destacou que "obras como as publicadas nos permitan ter acceso a eses textos ao mesmo tempo ou incluso antes que noutras linguas". Víctor Freixanes agradeceu á concelleira "a sensibilidade e o compromiso do Concello para continuar con este proxecto", do que dixo que a editorial se sente "moi orgullosa". Para o director de Galaxia, "é unha maneira de utilizar esta porta para a cultura que é Compostela". Carlos Lema destacou desta colección "o xogo de complicidades que nela se dá entre a Concellería, os lectores, os tradutores e os medios de comunicación".
Catro autores, catro culturas
Sobre os libros presentados, Carlos Lema subliñou que se presentaban "catro autores de catro culturas, catro linguas e catro estilos". A fama "é unha historia sobre a maxia de escribir e sobre as identidades", escrita por un autor que xa tivo o favor do público galego con A medición do mundo. O autor francés de culto Pierre Michon presenta Os once, unha obra ambientada na época da Revolución, con altas doses de crítica sobre a literatura e a historia. A Biblioteca Compostela volve publicar unha nova obra do premio Nobel turco Orhan Pamuk, neste caso unha das súas novelas máis recoñecidas, Neve, que el definiu como "novela política".
A cuarta das obras publicadas é A rolda nocturna, de Sarah Waters, unha novela cunha grande acollida en Inglaterra, que fala das repercusións dos bombardeos sobre Londres sobre varios personaxes ao longo do tempo. Esta novela foi a gañadora da edición de 2008 do premio Casino de Santiago. A autora, Sarah Waters, estará o xoves 28 de xaneiro en Santiago para recibir o seu premio. Tamén este mes se dará a coñecer a obra gañadora da edición de 2009 deste certame, no que colaboran a Concellería de Cultura, o Casino de Santiago e a Editorial Galaxia.
Apoio ás letras
A Concellería de Cultura e Centros Socioculturais mantén o seu apoio á creación literaria. O director-xerente do Auditorio de Galicia, Paulo Rodríguez, explicou que, malia a crise, "estamos traballando para dar a coñecer o noso acervo literario e lingüístico sen ningún tipo de complexo". Neste sentido, anunciou que se está elaborando un proxecto compartido coa Asociación de Escritores en Lingua Galega, que se presentará en breve.
A Biblioteca Compostela suma catro novos títulos de literatura contemporánea europea
22/01/2010 A concelleira de Cultura e Centros Socioculturais, Socorro García Conde, o director de Editorial Galaxia, Víctor F. Freixanes, e o director de edicións da editorial, Carlos Lema, presentaron os títulos publicados en 2009 e os vindeiros lanzamentos da Biblioteca Compostela, a colección de literatura contemporánea europea editada por Galaxia co apoio da Concellería.
A fama, de Daniel Kehlmann; Neve, de Orhan Pamuk; Os once, de Pierre Michon; e A rolda nocturna, de Sarah Waters, son os catro libros publicados na colección en 2009. E en 2010 verán a luz novas obras de Anna Gavalda, Kazuo Ishiguro, e Jean-Philippe Touissant.Socorro García amosou o seu orgullo de que "xa haxa na rúa quince títulos máis estes catro novos da mellor literatura europea contemporánea dentro dunha colección xa consolidada, e con garantías de permanecer no futuro, a pesar dos vaivéns económicos". A concelleira destacou que o compromiso do Concello coa Biblioteca Compostela é "unha aposta pola literatura e tamén polo idioma, que nestes tempos é moi necesaria". Para a edil, esta colección é "unha mostra de que a nosa cultura, lonxe de estar acomplexada ou ensimesmada, dialoga coas outras culturas do mundo".
García Conde destacou que "obras como as publicadas nos permitan ter acceso a eses textos ao mesmo tempo ou incluso antes que noutras linguas". Víctor Freixanes agradeceu á concelleira "a sensibilidade e o compromiso do Concello para continuar con este proxecto", do que dixo que a editorial se sente "moi orgullosa". Para o director de Galaxia, "é unha maneira de utilizar esta porta para a cultura que é Compostela". Carlos Lema destacou desta colección "o xogo de complicidades que nela se dá entre a Concellería, os lectores, os tradutores e os medios de comunicación".
Catro autores, catro culturas
Sobre os libros presentados, Carlos Lema subliñou que se presentaban "catro autores de catro culturas, catro linguas e catro estilos". A fama "é unha historia sobre a maxia de escribir e sobre as identidades", escrita por un autor que xa tivo o favor do público galego con A medición do mundo. O autor francés de culto Pierre Michon presenta Os once, unha obra ambientada na época da Revolución, con altas doses de crítica sobre a literatura e a historia. A Biblioteca Compostela volve publicar unha nova obra do premio Nobel turco Orhan Pamuk, neste caso unha das súas novelas máis recoñecidas, Neve, que el definiu como "novela política".
A cuarta das obras publicadas é A rolda nocturna, de Sarah Waters, unha novela cunha grande acollida en Inglaterra, que fala das repercusións dos bombardeos sobre Londres sobre varios personaxes ao longo do tempo. Esta novela foi a gañadora da edición de 2008 do premio Casino de Santiago. A autora, Sarah Waters, estará o xoves 28 de xaneiro en Santiago para recibir o seu premio. Tamén este mes se dará a coñecer a obra gañadora da edición de 2009 deste certame, no que colaboran a Concellería de Cultura, o Casino de Santiago e a Editorial Galaxia.
Apoio ás letras
A Concellería de Cultura e Centros Socioculturais mantén o seu apoio á creación literaria. O director-xerente do Auditorio de Galicia, Paulo Rodríguez, explicou que, malia a crise, "estamos traballando para dar a coñecer o noso acervo literario e lingüístico sen ningún tipo de complexo". Neste sentido, anunciou que se está elaborando un proxecto compartido coa Asociación de Escritores en Lingua Galega, que se presentará en breve.