PLENO
O concelleiro afirmou que "como é normal, desde a Xunta de Galicia solicitouse a xustificación das accións que ían figurar no novo convenio e unha valoración económica que os sustentase". Estes programas agrupábanse basicamente en todo o que ten que ver co turismo gastronómico, dado que as dúas administracións consideramos naquel momento que era un campo de actuación interesante e de futuro. Outra parte da colaboración centrábase en programas de promoción, competitividade e difusión da cidade a través de diferentes soportes.
Facturas solicitadas por erro
Iglesias dixo que "dende a Concellaría pedimos eses orzamentos demandados dende a Dirección Xeral de Turismo aos diferentes provedores para poder valorar cada acción. Por erro, e eu asumo politicamente toda a responsabilidade, en vez de orzamentos pedimos facturas."
"A equivocación –seguiu Iglesias-, insisto que só foi un erro, partiu da transmisión de información da necesidade de achegar eses orzamentos e eu asumo o fallo de non ter solicitado facturas proforma ou orzamentos". "Que quede claro, e o volvo a repetir para que non haxa interpretacións, eu asumo esa responsabilidade e en ningún caso, nin agora, nin no pasado nin no futuro eu derivarei as responsabilidades políticas cara os traballadores", engadiu.
O concelleiro afirmou que "non existiu ningún afán de engano dunha institución a outra. Cando Incolsa detecta ese erro retírase esa documentación e inmediatamente contactouse cos provedores. Posto que se trataban de facturas o dende Incolsa recomendouse que o máis acaído era a súa anulación". Iglesias afirmou que "sen embargo, cando se recollen esas facturas, decatámonos que dúas delas a Xunta de Galicia incorporounas á súa contabilidade e pagounas. Por certo, unha destas dúas facturas refírese a un traballo que, cando se solicitaron os orzamentos, estaba en proceso elaboración. Nós trasladámoslle este feito á dirección xeral e lle comunicamos a ese provedor que regularizara esa situación coa Xunta de Galicia".
Non existencia de irregularidades
Iglesias afirmou que "parte dos traballos aos que facían referencia esas facturas, dado o seu interese e necesidade, finalmente son realizados por Incolsa con independencia de ter asegurado o seu financiamento externo. Isto acredita a realidade deses servizos".
Por outro lado, dixo que para aquelas facturas que se correspondían con traballos que eran accións futuras da empresa, solicitáronse a remisión de facturas proforma, que si son documentos axeitados para xustificar un orzamento. "Evidentemente Incolsa aínda non presentou as facturas proforma á Dirección Xeral porque o novo goberno polo de agora non retomou a negociación deste convenio", afirmou, indicando que "confiamos, polo ben do sector turístico de Santiago, que se reconsidere esa negativa".
Iglesias rematou afirmando que "temos que deixar claro que non existe nada irregular. Non hai ninguén prexudicado. Incolsa non cobrou un só euro indebidamente". "Todos os traballos aos que fan referencia eses documentos son traballos reais que están na planificación de Turismo de Santiago, uns realizados e outros pendentes. Si de algo somos culpables é de querer sacar adiante un convenio moi necesario para o sector turístico de Santiago", concluíu.
O concelleiro de Turismo nega no Pleno calquera irregularidade nas facturas de Incolsa
26/11/2009 O concelleiro de Turismo Xosé Manuel Iglesias compareceu ante o Pleno municipal a petición propia para contestar ás acusacións vertidas en relación á empresa Incolsa. Neste sentido Iglesias reiterou que "o Concello de Santiago e a empresa municipal de turismo non teñen nada que ocultar porque non hai nada irregular na súa xestión".
Iglesias fixo un repaso cronolóxico á relación existente entre o Concello de Santiago e a Xunta de Galicia en materia de Turismo substanciado nun convenio asinado o 14 de marzo de 2005 rematou o 31 de decembro de 2008. Lembrou que "xa antes de rematar a súa vixencia, a Concellaría de Turismo e a Dirección Xeral de Turismo iniciamos as conversas necesarias para a concreción dun novo acordo na perspectiva de seguir financiando algúns dos programas que desenvolvemos desde o departamento municipal de turismo".O concelleiro afirmou que "como é normal, desde a Xunta de Galicia solicitouse a xustificación das accións que ían figurar no novo convenio e unha valoración económica que os sustentase". Estes programas agrupábanse basicamente en todo o que ten que ver co turismo gastronómico, dado que as dúas administracións consideramos naquel momento que era un campo de actuación interesante e de futuro. Outra parte da colaboración centrábase en programas de promoción, competitividade e difusión da cidade a través de diferentes soportes.
Facturas solicitadas por erro
Iglesias dixo que "dende a Concellaría pedimos eses orzamentos demandados dende a Dirección Xeral de Turismo aos diferentes provedores para poder valorar cada acción. Por erro, e eu asumo politicamente toda a responsabilidade, en vez de orzamentos pedimos facturas."
"A equivocación –seguiu Iglesias-, insisto que só foi un erro, partiu da transmisión de información da necesidade de achegar eses orzamentos e eu asumo o fallo de non ter solicitado facturas proforma ou orzamentos". "Que quede claro, e o volvo a repetir para que non haxa interpretacións, eu asumo esa responsabilidade e en ningún caso, nin agora, nin no pasado nin no futuro eu derivarei as responsabilidades políticas cara os traballadores", engadiu.
O concelleiro afirmou que "non existiu ningún afán de engano dunha institución a outra. Cando Incolsa detecta ese erro retírase esa documentación e inmediatamente contactouse cos provedores. Posto que se trataban de facturas o dende Incolsa recomendouse que o máis acaído era a súa anulación". Iglesias afirmou que "sen embargo, cando se recollen esas facturas, decatámonos que dúas delas a Xunta de Galicia incorporounas á súa contabilidade e pagounas. Por certo, unha destas dúas facturas refírese a un traballo que, cando se solicitaron os orzamentos, estaba en proceso elaboración. Nós trasladámoslle este feito á dirección xeral e lle comunicamos a ese provedor que regularizara esa situación coa Xunta de Galicia".
Non existencia de irregularidades
Iglesias afirmou que "parte dos traballos aos que facían referencia esas facturas, dado o seu interese e necesidade, finalmente son realizados por Incolsa con independencia de ter asegurado o seu financiamento externo. Isto acredita a realidade deses servizos".
Por outro lado, dixo que para aquelas facturas que se correspondían con traballos que eran accións futuras da empresa, solicitáronse a remisión de facturas proforma, que si son documentos axeitados para xustificar un orzamento. "Evidentemente Incolsa aínda non presentou as facturas proforma á Dirección Xeral porque o novo goberno polo de agora non retomou a negociación deste convenio", afirmou, indicando que "confiamos, polo ben do sector turístico de Santiago, que se reconsidere esa negativa".
Iglesias rematou afirmando que "temos que deixar claro que non existe nada irregular. Non hai ninguén prexudicado. Incolsa non cobrou un só euro indebidamente". "Todos os traballos aos que fan referencia eses documentos son traballos reais que están na planificación de Turismo de Santiago, uns realizados e outros pendentes. Si de algo somos culpables é de querer sacar adiante un convenio moi necesario para o sector turístico de Santiago", concluíu.