TURISMO
Os datos positivos de pernoctacións do mes de agosto confirman a tendencia que xa apuntaban outros datos referidos ao mesmo mes, como que Santiago foi o terceiro destino urbano do Estado con maior porcentaxe de ocupación hoteleira, segundo o estudo Ocupatur elaborado polo Instituto de Estudios Turísticos do Ministerio de Industria, Turismo e Comercio, ou os datos do aeroporto proporcionados por AENA, que sinalaban un crecemento do 17,1%, chegando ata os 222.948 pasaxeiros.
Entre os meses de xaneiro e agosto, Santiago suma 820.823 pernoctacións, un crecemento do 5,78% respecto ao mesmo período do ano anterior. Pola contra, o conxunto do Estado descendeu un 7,8% e Galicia un 6,21%. Nestes oito meses do ano houbo 575.705 pernoctacións de turismo doméstico, cun crecemento do 10,8% respecto de 2008. Non obstante, o turismo internacional descendeu un 4,38%, pasando das 256.353 pernoctacións do 2008 ás 245.118 de 2009.
Con estes datos, Santiago lidera no acumulado anual tanto o grupo das Cidades Patrimonio como o da España Verde, compostos polos destinos comparables á nosa cidade. Os datos concretos de crecemento entre xaneiro e agosto deste ano foron: Santiago de Compostela, 5,78%; Vitoria, 0,07%; San Sebastián, -1,71%; Xixón, -12,26%; Oviedo, -5,79%; Santander, 1,93%; Bilbao, 4,64%; Ávila, -13,20%; Cáceres, -3,69%; Córdoba, -9,87%; Cuenca, -8,87%; Segovia, -5,01%; Salamanca, -3,17%; Toledo, -5,34%; A Coruña, -8,40% e Vigo -11,24%.
O concelleiro de Promoción Económica e Turismo, Xosé Manuel Iglesias, valora positivamente estes datos, que confirman que neste momento de crise económica, Santiago é un destino atractivo, grazas ao traballo colectivo que se desenvolve dende diferentes entidades, destacando o papel que están xogando os empresarios do sector, adaptándose ás circunstancias actuais. Segundo o concelleiro, estes datos avalan tamén o traballo de promoción da cidade e desenvolvemento de produtos e eventos que se está facendo dende Turismo de Santiago.
As pernoctacións en agosto medraron en Santiago un 25,95%
23/09/2009 No mes de agosto producíronse en Santiago 175.566 pernoctacións, cun crecemento do 25,95% respecto das 139.390 que se deron no mesmo mes do ano 2008, segundo os datos do INE. Estes datos contrastan coa caída do 5% que se produciu a nivel estatal. En Galicia, o crecemento no mes de agosto foi do 2,37%.
O crecemento no mes de agosto en Santiago debeuse tanto ao turismo doméstico coma ao turismo internacional. O turismo doméstico aumentou un 32,45%, pasando das 97.631 pernoctacións do ano pasado ás 129.315 deste ano. O turismo internacional, que no mes de xullo descendera un 4,31%, aumentou no mes de agosto un 10,76%, chegando ás 46.251 pernoctacións.Os datos positivos de pernoctacións do mes de agosto confirman a tendencia que xa apuntaban outros datos referidos ao mesmo mes, como que Santiago foi o terceiro destino urbano do Estado con maior porcentaxe de ocupación hoteleira, segundo o estudo Ocupatur elaborado polo Instituto de Estudios Turísticos do Ministerio de Industria, Turismo e Comercio, ou os datos do aeroporto proporcionados por AENA, que sinalaban un crecemento do 17,1%, chegando ata os 222.948 pasaxeiros.
Entre os meses de xaneiro e agosto, Santiago suma 820.823 pernoctacións, un crecemento do 5,78% respecto ao mesmo período do ano anterior. Pola contra, o conxunto do Estado descendeu un 7,8% e Galicia un 6,21%. Nestes oito meses do ano houbo 575.705 pernoctacións de turismo doméstico, cun crecemento do 10,8% respecto de 2008. Non obstante, o turismo internacional descendeu un 4,38%, pasando das 256.353 pernoctacións do 2008 ás 245.118 de 2009.
Con estes datos, Santiago lidera no acumulado anual tanto o grupo das Cidades Patrimonio como o da España Verde, compostos polos destinos comparables á nosa cidade. Os datos concretos de crecemento entre xaneiro e agosto deste ano foron: Santiago de Compostela, 5,78%; Vitoria, 0,07%; San Sebastián, -1,71%; Xixón, -12,26%; Oviedo, -5,79%; Santander, 1,93%; Bilbao, 4,64%; Ávila, -13,20%; Cáceres, -3,69%; Córdoba, -9,87%; Cuenca, -8,87%; Segovia, -5,01%; Salamanca, -3,17%; Toledo, -5,34%; A Coruña, -8,40% e Vigo -11,24%.
O concelleiro de Promoción Económica e Turismo, Xosé Manuel Iglesias, valora positivamente estes datos, que confirman que neste momento de crise económica, Santiago é un destino atractivo, grazas ao traballo colectivo que se desenvolve dende diferentes entidades, destacando o papel que están xogando os empresarios do sector, adaptándose ás circunstancias actuais. Segundo o concelleiro, estes datos avalan tamén o traballo de promoción da cidade e desenvolvemento de produtos e eventos que se está facendo dende Turismo de Santiago.