PROMOCIÓN ECONÓMICA E EMPREGO
O obxectivo desta viaxe é que os empresarios galegos radicados en Venezuela se animen a invertir o seu capital ou situar as súas empresas na capital galega.
Os empresarios de Caracas, Valencia e Maracay dispoñen xa de información sobre os polígonos industriais composteláns e outras empresas afincadas en Santiago, que lles foi remitida pola concellería de Promoción Económica.
Iglesias viaxará a Venezuela para entrevistarse con empresarios galegos
24/10/2005 O Instituto Galego de Análise e Documentación Internacional (IGADI) planificará diversos encontros do concelleiro de Promoción Económica e Mercados, Xosé Manuel Iglesias, con empresarios venezolanos. A Xunta de Goberno Local do luns 24 de outubro aprobou un orzamento de 11.433 euros para este traballo, en forma de asistencia técnica.
O concelleiro de Promoción Económica e Mercados, Xosé Manuel Iglesias, estará entre o 13 e o 20 de novembro de viaxe en Venezuela, a fin de presentar aos empresarios galegos residentes en Caracas, Valencia e Maracay as expectativas dos novos polígonos da Imaxe, en San Marcos, A Sionlla e o parque empresarial de Lavacolla.O obxectivo desta viaxe é que os empresarios galegos radicados en Venezuela se animen a invertir o seu capital ou situar as súas empresas na capital galega.
Os empresarios de Caracas, Valencia e Maracay dispoñen xa de información sobre os polígonos industriais composteláns e outras empresas afincadas en Santiago, que lles foi remitida pola concellería de Promoción Económica.