ALCALDÍA
A de Santiago será unha das tres únicas paradas que esta parella de músicos americanos realizará en España na súa xira, xunto con Sant Feliu de Guixols (Girona) e Madrid. Na praza do Obradoiro amosarán o seu espectáculo The Yellow pony and other songs and stories.
AGEDO incentivará a doazón de órganos en Galicia cun concerto de Lou Reed e Laurie Anderson no Obradoiro
26/05/2009 O alcalde compostelán, Xosé A. Sánchez Bugallo, recibiu en Raxoi ao presidente da Asociación Galega de Enfermos pola Doazón de Órganos (AGEDO), Jesús Pascual Pereira, e a outros integrantes da mesma. Na reunión, á que tamén asistiu a concelleira de Benestar Social, Mar Martín, comunicáronlle ao alcalde a intención de patrocinar un concerto de Lou Reed e Laurie Anderson na praza do Obradoiro o 12 de xullo.
Os representantes de AGEDO explicáronlle ao alcalde e á concelleira os detalles deste concerto solidario. Coa actuación de Lou Reed e Laurie Anderson, a entidade quere chamar a atención sobre a necesidade de incrementar a doazón de órganos en Galicia. Sánchez Bugallo comprometeu a colaboración institucional e técnica do Concello nesta iniciativa.A de Santiago será unha das tres únicas paradas que esta parella de músicos americanos realizará en España na súa xira, xunto con Sant Feliu de Guixols (Girona) e Madrid. Na praza do Obradoiro amosarán o seu espectáculo The Yellow pony and other songs and stories.