TURISMO
As empresas e entidades interesadas en adherirse ao SICTED e contar cunha distinción no Ano Santo 2010 teñen que poñerse en contacto con Turismo de Santiago no teléfono 981 555 129 ou a través do correo electrónico calidade@santiagoturismo.com. O proceso de concesión dos distintivos inclúe obrigatoriamente un período de seis meses entre o momento no que se fai a solicitude e o momento no que se fai a auditoría que comproba se a empresa ou entidade cumpre os requisitos para a distinción. Por iso o prazo de presentación de solicitudes cara o 2010 remata o 31 de mai.
Turismo de Santiago edita a Guía de Calidade Turística
18/05/2009 O Sistema Integral de Calidade Turística en Destino (SICTED) concedeu a finais de 2008 un total de 142 distintivos de calidade turística en Santiago, que estarán en vigor en 2009. É o número máis alto logrado ata agora por Compostela, que se sitúa como cuarto destino con maior número de distincións entre os máis de cen destinos españois adscritos ao SICTED. Estas empresas aparecen agora recollidas na Guía de Calidade Turística, da que se repartirán 3.000 exemplares.
O listado de empresas e entidades que contan coa distinción de calidade turística e están incluídas na Guía inclúe a 47 comercios, 14 guías turísticos, 20 hoteis, 26 taxis, 15 restaurantes, 6 axencias de viaxes, 4 casas rurais, 2 museos, 2 organizadores de congresos, 1 bar, 1 complexo de saúde, a asociación Compostela Monumental, o Santiago de Compostela Convention Bureau, a Oficina de Turismo de Santiago e o Tren Turístico. A evolución dende o ano 2004 no número de distincións foi: 2004, 37; 2005, 69; 2006, 87; 2007, 124; e 2008, 142 distincións.As empresas e entidades interesadas en adherirse ao SICTED e contar cunha distinción no Ano Santo 2010 teñen que poñerse en contacto con Turismo de Santiago no teléfono 981 555 129 ou a través do correo electrónico calidade@santiagoturismo.com. O proceso de concesión dos distintivos inclúe obrigatoriamente un período de seis meses entre o momento no que se fai a solicitude e o momento no que se fai a auditoría que comproba se a empresa ou entidade cumpre os requisitos para a distinción. Por iso o prazo de presentación de solicitudes cara o 2010 remata o 31 de mai.