CULTURA, CIDADE HISTÓRICA E MEDIO AMBIENTE
O variado programa de actividades que se vai desenvolver ao longo do sábado 16 de maio en distintos espazos da cidade procura a participación da cidadanía para dotar de contido á xornada. Neste sentido, Socorro García referiuse ao "delicado contexto sociolingüístico" que rodea o Día das Letras de 2009 e lamentou a perda de falantes de galego entre os máis novos e as políticas lingüísticas anunciadas pola nova Administración autonómica. "A festividade das letras non debe limitarse á homenaxe a un persoeiro das nosa literatura, senón que debe fomentar dun xeito activo o uso do galego no país", engadiu.
A programación de "A revolta das letras" abranguerá toda a xornada do 16 de maio. Os máis pequenos da casa poderán visitar o espazo nomeado Caixa de mistos, na praza da Quintana, onde se proxectarán curtametraxes en galego destinadas a un público infantil. Na mesma praza montarase un set de gravación no que o público participante poderá compoñer un cadáver exquisito, e desenvolverase un maratón fotográfico no que cadaquén poderá pendurar imaxes arredor do noso idioma.
Posta en valor do patrimonio histórico e natural
Pola súa parte, a concelleira de Cidade Histórica, Olga Pedreira, destacou a condición de Compostela como capital de Galicia e posuidora dun patrimonio cultural e arquitectónico de prestixio, do que o idioma é un elemento primordial. Salientou a integración de diversas actividades do programa no patrimonio arquitectónico da cidade, como é o caso da Arte na rúa, que se vai desenvolver na praza do Toural, ou da Conspiración de poetas, que vai ter lugar en Cervantes.
Para rematar falou a concelleira de Medio Ambiente, Elvira Cienfuegos, que destacou o patrimonio natural de Compostela, non só polo seu valor ambiental, senón como un punto de encontro e participación da cidadanía. A edil presentou a actividade nomeada Turismo mental, que partirá da Alameda e rematará no parque de Bonaval, percorrendo da man de Quico Cadaval espazos da cidade senlleiros no emprego do galego como elemento dinamizador.
"A revolta das letras", unha conspiración de actividades en prol da lingua galega
08/05/2009 As Concellarías de Cultura, Cidade Histórica e Medio Ambiente poñen en marcha "A revolta das letras", un novidoso e peculiar programa de actividades arredor da lingua galega. Celebrarase o sábado 16 de maio en distintos espazos da cidade.
O programa de "A revolta das letras" foi presentado polas concelleiras de Cultura, Socorro García; de Cidade Histórica, Olga Pedreira; e de Medio Ambiente, Elvira Cienfuegos. Trátase dunha iniciativa "reivindicativa e libertaria que pretende pór en valor o galego como unha lingua viva, amosando a rica produción cultural que dela se fornece", en palabras da primeira.O variado programa de actividades que se vai desenvolver ao longo do sábado 16 de maio en distintos espazos da cidade procura a participación da cidadanía para dotar de contido á xornada. Neste sentido, Socorro García referiuse ao "delicado contexto sociolingüístico" que rodea o Día das Letras de 2009 e lamentou a perda de falantes de galego entre os máis novos e as políticas lingüísticas anunciadas pola nova Administración autonómica. "A festividade das letras non debe limitarse á homenaxe a un persoeiro das nosa literatura, senón que debe fomentar dun xeito activo o uso do galego no país", engadiu.
A programación de "A revolta das letras" abranguerá toda a xornada do 16 de maio. Os máis pequenos da casa poderán visitar o espazo nomeado Caixa de mistos, na praza da Quintana, onde se proxectarán curtametraxes en galego destinadas a un público infantil. Na mesma praza montarase un set de gravación no que o público participante poderá compoñer un cadáver exquisito, e desenvolverase un maratón fotográfico no que cadaquén poderá pendurar imaxes arredor do noso idioma.
Posta en valor do patrimonio histórico e natural
Pola súa parte, a concelleira de Cidade Histórica, Olga Pedreira, destacou a condición de Compostela como capital de Galicia e posuidora dun patrimonio cultural e arquitectónico de prestixio, do que o idioma é un elemento primordial. Salientou a integración de diversas actividades do programa no patrimonio arquitectónico da cidade, como é o caso da Arte na rúa, que se vai desenvolver na praza do Toural, ou da Conspiración de poetas, que vai ter lugar en Cervantes.
Para rematar falou a concelleira de Medio Ambiente, Elvira Cienfuegos, que destacou o patrimonio natural de Compostela, non só polo seu valor ambiental, senón como un punto de encontro e participación da cidadanía. A edil presentou a actividade nomeada Turismo mental, que partirá da Alameda e rematará no parque de Bonaval, percorrendo da man de Quico Cadaval espazos da cidade senlleiros no emprego do galego como elemento dinamizador.