FESTAS
Antigamente era tal a popularidade desta celebración relixiosa que os peregrinos, moi numerosos, aloxábanse nas hospedaxes e casas próximas á capela para poder asistir a unha das misas que se celebraban durante a mañá do domingo. A diferenza doutras cerimonias relixiosas, en San Lázaro non hai procesión.
A tradición indica que é típico comer uñas durante estas festas e, segundo informacións do presidente da desaparecida Orde da Uña, Manuel Iglesias, é o festexo máis antigo de Galicia. A degustación das uñas de porco, acompañadas de bertóns, chourizos, grelos e patacas, teñen o seu máximo expoñente na tradicional puxa das uñas do porco, que se celebra o luns 30 de marzo.
Aínda que non está moi clara a orixe desta celebración, Baqueiro dixo que como no resto de romarías galegas mestúrase o pagán co relixioso. Así, os ferigreses doan as pezas da puxa á igrexa para subastalas máis tarde. Este acto, convertido hoxe en día en simbólico, é o único que permaneceu inalterable durante todos estes anos, efectuándose incluso no 2000, cando non se celebraron as festas no barrio. A recadación final da puxa destínase a sufragar os gastos do templo.
Finalmente, os restaurantes ofrecen o representativo prato durante os días festivos, e son moitas as persoas que se achegan a probalo. Ademais, nas beirarrúas hai numerosos postos de produtos típicos para aos visitantes, como as rosquilleiras.
Cartel da Festa
As dúas representantes da comisión de festas explicaron polo miúdo todo o cartel deste ano. O sábado 28 haberá verbena a partir das 21:00 horas a cargo das orquestras Abanico e Samba. O domingo 29, a xornada comezará ás 10:00 horas cun pasarrúas da Charanga Mecánica. Xa ao mediodía haberá unha degustación de uñas na praza da igrexa, e ás 13:30 horas regresará a música coa actuación da Asociación Folclórica Coto da Nai, e de seguido a sesión vermú. Pola noite, a festa comezará ás 20:00 horas coa actuación das orquestras Olimpus e Nueva Generación.
O último día, o luns 30, a verbena estará amenizada a partir das 21:30 horas pola orquestra Panorama. Nesta xornada celebrarase a tradicional puxa das uñas, despois da misa das 11:00 horas. Todas as orquestras, atraccións de feira, polberías e churrerías instalaranse no aparcadoiro do estadio de San Lázaro, onde no caso de choiva se instalará unha carpa ao igual que no contorno da igrexa.
Nova edición da Festa da Uña de San Lázaro, a exaltación gastronómica máis antiga de Galicia
26/03/2009 O concelleiro de Festas, Xosé Baqueiro, presentou o programa das Festa da Uña de San Lázaro 2009, acompañado por dous membros da Asociación Cultural e de Festexos de San Lázaro, Mónica Rodríguez e Sandra Losada.
Segundo explicou Baqueiro, a Festa da Uña, que se celebrará entre os días 28 e 30 de marzo, é unha exaltación gastronómica e relixiosa que se celebra nos arredores da igrexa de San Lázaro, "unha pequena capela do século XVII dedicada ao tradicional patrón dos leprosos, e onde no século XII había unha leprosería, un convento, unha hospedería e un hospital hoxe desaparecidos".Antigamente era tal a popularidade desta celebración relixiosa que os peregrinos, moi numerosos, aloxábanse nas hospedaxes e casas próximas á capela para poder asistir a unha das misas que se celebraban durante a mañá do domingo. A diferenza doutras cerimonias relixiosas, en San Lázaro non hai procesión.
A tradición indica que é típico comer uñas durante estas festas e, segundo informacións do presidente da desaparecida Orde da Uña, Manuel Iglesias, é o festexo máis antigo de Galicia. A degustación das uñas de porco, acompañadas de bertóns, chourizos, grelos e patacas, teñen o seu máximo expoñente na tradicional puxa das uñas do porco, que se celebra o luns 30 de marzo.
Aínda que non está moi clara a orixe desta celebración, Baqueiro dixo que como no resto de romarías galegas mestúrase o pagán co relixioso. Así, os ferigreses doan as pezas da puxa á igrexa para subastalas máis tarde. Este acto, convertido hoxe en día en simbólico, é o único que permaneceu inalterable durante todos estes anos, efectuándose incluso no 2000, cando non se celebraron as festas no barrio. A recadación final da puxa destínase a sufragar os gastos do templo.
Finalmente, os restaurantes ofrecen o representativo prato durante os días festivos, e son moitas as persoas que se achegan a probalo. Ademais, nas beirarrúas hai numerosos postos de produtos típicos para aos visitantes, como as rosquilleiras.
Cartel da Festa
As dúas representantes da comisión de festas explicaron polo miúdo todo o cartel deste ano. O sábado 28 haberá verbena a partir das 21:00 horas a cargo das orquestras Abanico e Samba. O domingo 29, a xornada comezará ás 10:00 horas cun pasarrúas da Charanga Mecánica. Xa ao mediodía haberá unha degustación de uñas na praza da igrexa, e ás 13:30 horas regresará a música coa actuación da Asociación Folclórica Coto da Nai, e de seguido a sesión vermú. Pola noite, a festa comezará ás 20:00 horas coa actuación das orquestras Olimpus e Nueva Generación.
O último día, o luns 30, a verbena estará amenizada a partir das 21:30 horas pola orquestra Panorama. Nesta xornada celebrarase a tradicional puxa das uñas, despois da misa das 11:00 horas. Todas as orquestras, atraccións de feira, polberías e churrerías instalaranse no aparcadoiro do estadio de San Lázaro, onde no caso de choiva se instalará unha carpa ao igual que no contorno da igrexa.