ALCALDÍA
O financiamento do Estado desta obra supón, en opinión do alcalde, que "non debe haber dificultades nas negociacións coa empresa concesionaria". Neste sentido, agarda que, cando menos, se vaia chegando a acordos parciais que permitan que esta obra "poda ser sacada a concurso neste mesmo ano". Hoxe, recordou, estase a redactar o proxecto e tramitando a autorización medioambiental.
Con este investimento, alcánzase a cifra de 400 millóns de euros de achegas da Administración central para obras en Santiago, contando as cantidades destinadas ás obras da nova terminal e doutras actuacións en Lavacolla, dos colectores, da rede viaria (túnel da Galuresa, terceiro carril do periférico, túnel de Conxo e duplicación da ponte de acceso ao Polígono do Tambre) e do fondo estatal de investimento público.
Esta cantidade incrementarase por riba dos 500 millóns unha vez se concreten os proxectos da nova estación depuradora de augas residuais (EDAR) e da estación do AVE. Sobre a EDAR, o alcalde indicou que está na fase de autorización medioambiental e de resolución de alegacións. Anunciou conversas coa ministra de Medio Ambiente e Medio Rural e Mariño, Elena Espinosa, para axilizar esta actuación e pasar así ao seguinte paso, a licitación do proxecto da obra.
Aprobación de obras polo MAP
Ao respecto dun desas achegas estatais, a do fondo estatal de investimento público, o alcalde anunciou que se viñan de viña de recibir a aprobación dos seis proxectos que restaban por parte do Ministerio de Administracións Públicas. Ábrese un prazo de 26 días para que o Concello redacte os proxectos e inicie o proceso de licitación destas seis obras. No caso das 27 aprobadas con anterioridade, estes trámites deberán estar feitos antes do 2 de marzo.
Cumprindo con estes prazos, na Xunta de Goberno do 17 de febreiro iniciarase a licitación de 11 destas 33 actuacións. Segundo apuntou o alcalde, iranse sacando sucesivamente as demais, co obxectivo de que entre abril e maio estean en marcha todas as obras.
O Estado mobiliza 400 millóns de euros en obras para a cidade
13/02/2009 O alcalde compostelán, Xosé A. Sánchez Bugallo, expresou a súa satisfacción polo anuncio de que o Estado investirá 88 millóns de euros na duplicación do tramo Santiago Norte - Santiago Sur da AP-9. Esta cantidade, sumada a outras previstas para diversas obras na cidade, deixan un investimento por parte da Administración central duns 400 millóns de euros, que se incrementará ata os 500 coas obras da EDAR e da estación do AVE.
Para Sánchez Bugallo, o compromiso manifestado pola vicepresidenta do Goberno, María Teresa Fernández de la Vega fai realidade o anuncio feito por el mesmo no sentido de que o Estado ía asumir o 100% do custo da ampliación da AP-9 no seu tramo compostelán. Definiu esta actuación como "a máis necesaria" para Santiago e recordou o volume de 60.000 vehículos por día que debe soportar na actualidade este tramo da autopista.O financiamento do Estado desta obra supón, en opinión do alcalde, que "non debe haber dificultades nas negociacións coa empresa concesionaria". Neste sentido, agarda que, cando menos, se vaia chegando a acordos parciais que permitan que esta obra "poda ser sacada a concurso neste mesmo ano". Hoxe, recordou, estase a redactar o proxecto e tramitando a autorización medioambiental.
Con este investimento, alcánzase a cifra de 400 millóns de euros de achegas da Administración central para obras en Santiago, contando as cantidades destinadas ás obras da nova terminal e doutras actuacións en Lavacolla, dos colectores, da rede viaria (túnel da Galuresa, terceiro carril do periférico, túnel de Conxo e duplicación da ponte de acceso ao Polígono do Tambre) e do fondo estatal de investimento público.
Esta cantidade incrementarase por riba dos 500 millóns unha vez se concreten os proxectos da nova estación depuradora de augas residuais (EDAR) e da estación do AVE. Sobre a EDAR, o alcalde indicou que está na fase de autorización medioambiental e de resolución de alegacións. Anunciou conversas coa ministra de Medio Ambiente e Medio Rural e Mariño, Elena Espinosa, para axilizar esta actuación e pasar así ao seguinte paso, a licitación do proxecto da obra.
Aprobación de obras polo MAP
Ao respecto dun desas achegas estatais, a do fondo estatal de investimento público, o alcalde anunciou que se viñan de viña de recibir a aprobación dos seis proxectos que restaban por parte do Ministerio de Administracións Públicas. Ábrese un prazo de 26 días para que o Concello redacte os proxectos e inicie o proceso de licitación destas seis obras. No caso das 27 aprobadas con anterioridade, estes trámites deberán estar feitos antes do 2 de marzo.
Cumprindo con estes prazos, na Xunta de Goberno do 17 de febreiro iniciarase a licitación de 11 destas 33 actuacións. Segundo apuntou o alcalde, iranse sacando sucesivamente as demais, co obxectivo de que entre abril e maio estean en marcha todas as obras.