ALCALDÍA
O investimento neste novo alumeado foi de 53.194,87 euros.
O alcalde visitou o lugar da Susana, onde se realizaron melloras no alumeado
21/01/2009 O alcalde compostelán, Xosé A. Sánchez Bugallo, mantivo un encontro cos veciños do lugar da Susana, ubicada na parroquia de Marrozos, cos que departiu sobre as súas demandas e as necesidades da zona. Durante a visita tamén comprobou o funcionamento do alumeado recentemente instalado.
O Concello instalou na Susana 30 novos puntos de luz ao longo da estrada, no tramo comprendido entre o cruce da Susana e o fin do termo municipal. Trátase de aproximadamente 300 metros, ao longo dos cales se situaron, en ambas marxes, puntos de luz sobre columnas de 10 e de 6 metros.O investimento neste novo alumeado foi de 53.194,87 euros.