CIDADE HISTÓRICA
A concelleira de Cidade Histórica mostrouse moi satisfeita polo ritmo de despregamento da rede "que vai seguindo os prazos e ritmos que tiñamos marcados, por iso, esperamos que para mediados de decembro podamos certificar a operatividade da rede". Dentro dos servizos que se incluirán no proxecto iCompostela destaca a cobertura Wi-Fi en 11 espazos públicos da cidade: praza das Praterías, praza da Quíntana, praza do Toural, praza de Abastos, praza de Fonseca, praza do Obradoiro, praza de Cervantes, Porta do Camiño, praza da Universidade, praza de Mazarelos e parque de Belvís.
Tamén existirá un servizo de acceso gratuíto nos domicilios, neste caso restrinxido á consulta dun número reducido de páxinas (administracións e medios de comunicación), así como un servizo de pagamento de acceso a Internet, dentro da zona de cobertura WiMAX. Para este último servizo existirán dous tipos de contrato: un dirixido ao uso de particulares (25 €) e outro dirixido ás PEME’s (39 €). Ademais, ofrecerase a posibilidade de conexións temporais á rede, mediante a adquisición de bonos horarios e por días (de 6 horas ata 1 mes).
iCompostela, probas de conexión Wi-Fi na Praza do Obradoiro
Olga Pedreira informou tamén da "campaña que temos iniciado conxuntamente coa Concellaría de Promoción Económica, para a distribución de routers en réxime de cesión entre os comercios da Cidade Histórica" ao que engadiu que "recolleremos solicitudes ata o 12 de decembro, para distribuír un máximo de 50 routers, valorados en máis de 7.000 euros".
Ao acabar a rolda de prensa Olga Pedreira realizou unha proba de conexión por Wi-Fi dende a Praza do Obradoiro, conectándose á paxina do Concello ou ao web compostelacultura.org, entre outros.
En fase de probas o proxecto-piloto iCompostela
17/11/2008 A concelleira de Cidade Histórica e Rehabilitación, Olga Pedreira, presentou o proxecto-piloto de despregue da rede WiMAX na zona vella de Compostela. Acompañándoa estiveron Jesús Rodríguez Castro, xefe do departamento de Informática do Concello e Jesús Díaz, responsable do proxecto na empresa Colabora, que foi a gañadora do concurso público para a execución, xestión e explotación desta rede wireless.
A rede sen fíos iCompostela é unha iniciativa da Concellaría de Cidade Histórica, enmarcada dentro do "Plan Avanza", que pretende facer de Santiago unha cidade situada na vangarda da conectividade, da alfabetización dixital e da prestación de servizos en liña. Olga Pedreira sinalou que "estamos diante dun proxecto-piloto co que pretendemos ampliar os servizos de banda ampla, ofrecer conectividade móbil, desenvolver servizos municipais en liña, dar acceso Wi-Fi e puntos de información contextual".A concelleira de Cidade Histórica mostrouse moi satisfeita polo ritmo de despregamento da rede "que vai seguindo os prazos e ritmos que tiñamos marcados, por iso, esperamos que para mediados de decembro podamos certificar a operatividade da rede". Dentro dos servizos que se incluirán no proxecto iCompostela destaca a cobertura Wi-Fi en 11 espazos públicos da cidade: praza das Praterías, praza da Quíntana, praza do Toural, praza de Abastos, praza de Fonseca, praza do Obradoiro, praza de Cervantes, Porta do Camiño, praza da Universidade, praza de Mazarelos e parque de Belvís.
Tamén existirá un servizo de acceso gratuíto nos domicilios, neste caso restrinxido á consulta dun número reducido de páxinas (administracións e medios de comunicación), así como un servizo de pagamento de acceso a Internet, dentro da zona de cobertura WiMAX. Para este último servizo existirán dous tipos de contrato: un dirixido ao uso de particulares (25 €) e outro dirixido ás PEME’s (39 €). Ademais, ofrecerase a posibilidade de conexións temporais á rede, mediante a adquisición de bonos horarios e por días (de 6 horas ata 1 mes).
iCompostela, probas de conexión Wi-Fi na Praza do Obradoiro
Olga Pedreira informou tamén da "campaña que temos iniciado conxuntamente coa Concellaría de Promoción Económica, para a distribución de routers en réxime de cesión entre os comercios da Cidade Histórica" ao que engadiu que "recolleremos solicitudes ata o 12 de decembro, para distribuír un máximo de 50 routers, valorados en máis de 7.000 euros".
Ao acabar a rolda de prensa Olga Pedreira realizou unha proba de conexión por Wi-Fi dende a Praza do Obradoiro, conectándose á paxina do Concello ou ao web compostelacultura.org, entre outros.