TURISMO
Turismo de Santiago terá un mostrador propio dentro do stand de España. A Concellaría aproveitará o evento para promocionar os atractivos da cidade e, especialmente, a campaña de desestacionalización, Santiago Repetirás, no mercado británico, un dos mercados obxectivo máis importantes para o turismo da cidade. Santiago Repetirás, baseada na enogastronomía galega, desenvolverase entre o 1 de novembro e o 31 de marzo.
Turismo de Santiago tamén manterá reunións de traballo con responsables de touroperadores, axencias de viaxe e medios de comunicación. Ademais, aproveitarase a ocasión para comprobar in situ os resultados de diferentes press trips das Illas Británicas, ou viaxes de xornalistas, que se teñen organizado dende Turismo de Santiago.
Coa presenza en Londres, Turismo de Santiago continúa promocionando a cidade naqueles mercados considerados como obxectivos coa súa presenza nas feiras e eventos turísticos de referencia. En setembro estivo na Feira de Jata, a máis importante do mercado xaponés; en outubro estivo na Abav, en Rio de Janeiro, a feira máis importante do mercado brasileiro; e desta vez na World Trade Market, o evento de referencia para o mercado británico.
Turismo de Santiago estará presente na Feira Turística máis importante de Gran Bretaña
07/11/2008 Turismo de Santiago estará presente na World Trade Market, a feira turística máis importante do mercado británico, que se desenvolverá en Londres entre o 10 e o 13 de novembro. Na edición do 2007 participaron na feira 48.111 profesionais dos diferentes ámbitos do sector turístico procedentes de 197 países e rexións, uns datos que reflicten a importancia deste evento. A feira é un evento dirixido especificamente para profesionais e non está aberto ao público.
A World Trade Market ofrece a oportunidade á industria do turismo mundial de reunirse, estabelecer contactos e levar a cabo actividades comerciais. Ademais, ofrece aos participantes a oportunidade de coñecer as últimas tendencias da industria do turismo para desenvolver proxectos de forma eficiente, eficaz e productiva.Turismo de Santiago terá un mostrador propio dentro do stand de España. A Concellaría aproveitará o evento para promocionar os atractivos da cidade e, especialmente, a campaña de desestacionalización, Santiago Repetirás, no mercado británico, un dos mercados obxectivo máis importantes para o turismo da cidade. Santiago Repetirás, baseada na enogastronomía galega, desenvolverase entre o 1 de novembro e o 31 de marzo.
Turismo de Santiago tamén manterá reunións de traballo con responsables de touroperadores, axencias de viaxe e medios de comunicación. Ademais, aproveitarase a ocasión para comprobar in situ os resultados de diferentes press trips das Illas Británicas, ou viaxes de xornalistas, que se teñen organizado dende Turismo de Santiago.
Coa presenza en Londres, Turismo de Santiago continúa promocionando a cidade naqueles mercados considerados como obxectivos coa súa presenza nas feiras e eventos turísticos de referencia. En setembro estivo na Feira de Jata, a máis importante do mercado xaponés; en outubro estivo na Abav, en Rio de Janeiro, a feira máis importante do mercado brasileiro; e desta vez na World Trade Market, o evento de referencia para o mercado británico.