DEPORTES
Compostela reúne ás mellores raquetas mundiais de squash
05/11/2008 Do 3 ao 8 de novembro, Santiago acolle o Trofeo Concello de Santiago, integrado no Circuíto Mundial de Squash. Na pista de cristal instalada en Área Central compiten os mellores deportistas do mundo desta especialidade.
Con motivo da celebración desta competición internacional, os participantes foron recibidos en Raxoi polo concelleiro de Deportes, Andrés Fariña. Este expresou o desexo de que o torneo sexa "un gran éxito e un espectáculo para todos os santiagueses". Ademais, agradeceu ás empresas colaboradoras facer posible un torneo que é xa considerado coma o máis importante de España e un dos máis relevantes de Europa.