CULTURA
O pianista francés Pascal Neveu, pola súa banda, leva aos espazos abertos das cidades europeas as súas improvisacións sobre jazz, clásica e música oriental. Nos parques e prazas, segundo explica o músico, "hai distintas solucións para o público nos meus concertos. Algunha xente queda de pé ao lonxe, outra achégase ao piano, outra déitase na herba ou séntase nun banco... Gústame ofrecerlles a posibilidade de vivir unha perspectiva pouco habitual da natureza ao mesmo tempo que descobren ou redescobren o piano, a música, o jazz". Ademais, para Neveu a relación entre a arte e o espazo no que se produce é fundamental. "A música embelece o espazo e o espazo embelece a música", afirma.
Mr. Fishman é o seudónimo de Dr. Think cando realiza sesións non tan enfocadas á pista de baile, con sons e ritmos máis pausados dentro da música electrónica: trip hop, down-tempo, rap instrumental, samples, efectos e dub de alto octanaxe pasarán polos seus pratos xiradiscos. Esta noite ás 23h na zona "C", estarán acompañando a música con imaxes sincronizadas están os vídeo dj’s d-rndm.
Fin de semana
A música volve á programación do Festival o sábado 23, da man do músico compostelán Emilio Cao, que ofrecerá as súas intervencións de corenta minutos Co mar no meu peto ás 12:30 e ás 20:30 horas na igrexa de Santa María do Camiño. Nesta mesma xornada, a compañía de circo El Retrete de Dorian Gray, composta polo actor, clown e showman galego Marcos PTT e polo mago e malabarista Ezra Moreno, ofrecerá ás 18:00 horas na rúa do Vilar o espectáculo Ne me quitte pas, que conta a historia dun grande da canción francesa en pases de corenta minutos. Finalmente, o jazz, o soul e os ritmos latinos chegarán o domingo 24 á programación do Festival dos Abrazos, da man do Xosé Nine Cuarteto & Loli Nogueira, que actuarán ás 20:30 horas na praza de San Martiño Pinario.
Máis música e circo na oferta cultural do Festival dos Abrazos
22/08/2008 O instrumentalista madrileño Chico Hugo e o pianista francés Pascal Neveu despídense do público compostelán con actuacións no xardín de Fonseca e no paseo central da Alameda, respectivamente. As novidosas propostas creativas destes dous músicos e a sesión de multimedia electrónica realizada na zona "C" polo Dj Mr. Fishman e mais os Vdj’s D.Rndm Usmiko.como deixan paso a unha fin de semana protagonizada pola música no Festival dos Abrazos.
Chico Hugo é un músico novo que experimenta coa construción dunha linguaxe musical propia a través de instrumentos pouco convencionais e que resultou gañador do segundo Festival de Músicas Minúsculas en 2005. "A arte está en todas partes", asegura Hugo, "con calquera cousa podes facer música". O músico madrileño emprega nos seus concertos tanto instrumentos tradicionais como a guitarra clásica, o baixo ou o teclado como recursos electrónicos xestionados a través dunha mesa de mesturas e obxectos reciclados en instrumentos musicais como copas de vidro, latas ou un tubo de PVC.O pianista francés Pascal Neveu, pola súa banda, leva aos espazos abertos das cidades europeas as súas improvisacións sobre jazz, clásica e música oriental. Nos parques e prazas, segundo explica o músico, "hai distintas solucións para o público nos meus concertos. Algunha xente queda de pé ao lonxe, outra achégase ao piano, outra déitase na herba ou séntase nun banco... Gústame ofrecerlles a posibilidade de vivir unha perspectiva pouco habitual da natureza ao mesmo tempo que descobren ou redescobren o piano, a música, o jazz". Ademais, para Neveu a relación entre a arte e o espazo no que se produce é fundamental. "A música embelece o espazo e o espazo embelece a música", afirma.
Mr. Fishman é o seudónimo de Dr. Think cando realiza sesións non tan enfocadas á pista de baile, con sons e ritmos máis pausados dentro da música electrónica: trip hop, down-tempo, rap instrumental, samples, efectos e dub de alto octanaxe pasarán polos seus pratos xiradiscos. Esta noite ás 23h na zona "C", estarán acompañando a música con imaxes sincronizadas están os vídeo dj’s d-rndm.
Fin de semana
A música volve á programación do Festival o sábado 23, da man do músico compostelán Emilio Cao, que ofrecerá as súas intervencións de corenta minutos Co mar no meu peto ás 12:30 e ás 20:30 horas na igrexa de Santa María do Camiño. Nesta mesma xornada, a compañía de circo El Retrete de Dorian Gray, composta polo actor, clown e showman galego Marcos PTT e polo mago e malabarista Ezra Moreno, ofrecerá ás 18:00 horas na rúa do Vilar o espectáculo Ne me quitte pas, que conta a historia dun grande da canción francesa en pases de corenta minutos. Finalmente, o jazz, o soul e os ritmos latinos chegarán o domingo 24 á programación do Festival dos Abrazos, da man do Xosé Nine Cuarteto & Loli Nogueira, que actuarán ás 20:30 horas na praza de San Martiño Pinario.