DEPORTES
O prazo de admisión de solicitudes estará aberto ata o venres 16 de setembro. Desde o departamento de Deportes informan tamén que unha vez pechado o prazo de admisión e establecida a distribución horaria de uso desta tempada, as solicitudes presentadas serán atendidas dentro das posibilidades existentes.
Ábrese o prazo para solicitar o uso das instalacións deportivas municipais
06/09/2005 O departamento de Deportes abriu desde o luns 5 de setembro e ata o vindeiro 16 de setembro o prazo para pedir o uso das instalacións dos Pavillóns Municipais, do Campo de Fútbol das Cancelas e das Pistas de Atletismo do Estadio de San Lázaro para o periodo comprendido entre o 1 de outubro de 2005 e o 30 de xuño de 2006.
Todas as entidades que teñan previsto participar en actividades de carácter periódico e que estean interesadas no uso das intalacións, ben sexan clubes federados, entidades deportivas ou centros escolares que non posúan ningún tipo de instalación deportiva para o desenvolvemento da materia de Educación Física, poden desde o 5 de setembro cumprimentar os impresos de solicitude que están á súa disposición nas oficinas do Departamento de Deportes do Concello de Santiago (sitas no Estadio Multiusos de San Lázaro, porta 1). O horario de atención ao público é de 9 a 14 horas de luns a venres.O prazo de admisión de solicitudes estará aberto ata o venres 16 de setembro. Desde o departamento de Deportes informan tamén que unha vez pechado o prazo de admisión e establecida a distribución horaria de uso desta tempada, as solicitudes presentadas serán atendidas dentro das posibilidades existentes.