DEPORTES
"A Fundación quere, xunto a todos os axentes, incrementar os valores que no día de mañá nos permitirán ter persoas máis formadas. Leva adiante este tipo de iniciativas, como a Compostela Cup do Camiño, dende o punto de vista da globalidade en beneficio da sociedade. E faino baixo o paraugas do Concello de Santiago, que tamén aposta por este tipo de política deportiva", engadiu.
Pola súa banda, o subdirector xeral de Ordenación do Turismo da Consellería de Innovación e Industria, Xavier Valino, destacou o carácter formativo e cultural do Torneo. "A Compostela Cup do Camiño va máis aló do aspecto competitivo, serve para ensalzar os valores e o encontro e irmandamento entre deportistas de distinta procedencia. Elementos que tamén ilustran o fenómeno Xacobeo. Cómpre lembrar tamén que a experiencia do Camiño de Santiago está vinculada ao deporte, porque os peregrinos chegan a Compostela a pé, en cabalo ou en bicicleta", comentou.
Finalmente, o director de Marketing de Caixanova (entidade patrocinadora), Jorge Santos, destacou o crecemento da Compostela Cup do Camiño: "Dende a súa orixe, non só en número de participantes, senón tamén nos seus obxectivos, xa que é unha competición que da moita importancia á convivencia entre os seus participantes. Ademais, superou o localismo. É algo de Galicia; e mantén siñerxias con outros campionatos da nosa comunidade. Tamén é unha enorme satisfacción ver como en cada edición aumenta o abano de deportes".
Fase Final
A Fase Final da Compostela Cup do Camiño desenvolverase entre os días 14 de xuño e 6 de xullo. Na disciplina de fútbol, contará con equipos procedentes de distintas comunidades autónomas españolas, como Andalucía ou Castela-A Mancha. No ámbito internacional está confirmada a presenza de varios clubes portugueses de Braga, Bragança, Lisboa e Porto. Ademais, tamén estarán os equipos de base dos clubes más representativos do fútbol galego: Deportivo, Celta, Racing de Ferrol e Lugo, e a práctica totalidade das canteiras máis representativas das catro provincias da nosa Comunidade.
Na modalidade de baloncesto destaca a participación no Torneo dos equipos das categorías inferiores do CB Pío XII de Santiago, o CB Arxil de Pontevedra, o CB Cidade de Lugo, o CB Marín Peixe Galego e o IB Rosalía de Castro, entre outros. E tamén conxuntos procedentes das comunidades autónomas de Castela e León, Cataluña, Estremadura ou Valencia, así como formacións procedentes de Portugal.
A disciplina de fútbol sala contará cunha ampla representación de equipos galegos, entre os que destacan O Parrulo FS e o Lobelle de Santiago. Mentres que para o atletismo acudirán á cita, entre outros, o Club Atletismo Noia, Atlética A Silva, San Xoán de Ferrol ou a EDM Riveira.
O ciclismo, unha das novidades desta edición do Torneo, estreará a súa andaina na competición coa disputa dunha proba que sairá de Palas de Rei e terá a súa chegada no Estadio Multiusos de San Lázaro, en Santiago de Compostela. Cómpre lembrar tamén que, un ano máis, os deportes maioritarios convivirán coas exhibicións doutras modalidades deportivas coma o tenis de mesa, a loita, a esgrima ou o xadrez.
Fases previas
A Compostela Cup do Camiño 2008 comezou hai seis meses coa disputa da Fase Local, que se desenvolveu en 23 concellos galegos: Abegondo, Allariz, Ames, Arzúa, Boimorto, Boiro, Cerceda, Ferrol, Lugo, Mos, Noia, O Pino, Oroso, Ourense, Pontevedra, Porto do Son, Redondela, Ribadeo, Ribeira, Sarria, Teo, Verín, Xinzo e na localidade portuguesa de Porto. Nesta rolda participaron un total de 220 equipos e 3.735 deportistas, nas modalidades de atletismo en pista e ruta, baloncesto, fútbol e fútbol sala.
Os Concellos de Ferrol e Ourense foron as sedes da Fase Comarcal. Nesta segunda rolda da competición estiveron un total de 41 equipos e 787 deportistas, nas disciplinas de: baloncesto, fútbol e fútbol sala. Polo que ata a data, na Compostela Cup do Camiño 2008, participaron un total de 261 conxuntos e 4.522 deportistas.
Historia
Dende a súa orixe en 2005, a Compostela Cup foi medrando paulatinamente. Na súa primeira edición contaba con dúas modalidades deportivas: fútbol e fútbol 7. Ao seguinte ano sumáronse o baloncesto e o fútbol sala, mentres que na última edición foron o balonmán e o fútbol de veteranos. E, para a presente edición, ás disciplinas deportivas mencionadas uníronse o atletismo en pista e ruta e o ciclismo.
Ademais, de xeito progresivo tamén foi aumentando o número de categorías en cada un destes deportes. O incremento do número de modalidades deportivas no Torneo supuxo que fose medrando o número de participantes e dos seus lugares de procedencia: Galicia, doutras autonomías do territorio español e do estranxeiro.
Porén, a evolución máis importante da competición foi cualitativa. Dende a edición de 2007 o Torneo cambiou o seu nome polo de Compostela Cup do Camiño para sumar, aos seus obxectivos iniciais a unión entre o deporte e a cultura; o deporte e os distintos Camiños que levan a Compostela.
O novo deseño do Torneo nace coa finalidade de dar a coñecer o Patrimonio Cultural, Natural e Mitolóxico galego, polo que dende a terceira edición as fases previas do torneo (locais e comarcais), dispútanse ao longo dos distintos concellos pertencentes as catro provincias de Galicia, que forman parte do Camiño de Santiago.
Máis de 400 equipos participarán na Compostela Cup do Camiño 2008
10/06/2008 A Fundación Compostela Deporte presentou esta mañá a Fase Final Internacional da Compostela Cup do Camiño 2008, que se disputará entre os días 14 de xuño e 6 de xullo. Están inscritos máis de 400 equipos e haberá máis dun milleiro de partidos e probas.
O vicepresidente da Fundación e concelleiro de Deportes de Santigo, Andrés Fariña, agradeceu o apoio das entidades patrocinadoras e colaboradoras, das federacións deportivas galegas e das demais entidades deportivas, culturais e sociais para o desenvolvemento do Torneo. Ao mesmo tempo subliñou a importancia de que "o deporte se vaia enraizando pouco a pocu na mentalidade de moitos axentes, na empresa privada, nas institucións públicas e demais entidades. Temos que elevar o deporte á categoría de necesario para unha mellor sociedade"."A Fundación quere, xunto a todos os axentes, incrementar os valores que no día de mañá nos permitirán ter persoas máis formadas. Leva adiante este tipo de iniciativas, como a Compostela Cup do Camiño, dende o punto de vista da globalidade en beneficio da sociedade. E faino baixo o paraugas do Concello de Santiago, que tamén aposta por este tipo de política deportiva", engadiu.
Pola súa banda, o subdirector xeral de Ordenación do Turismo da Consellería de Innovación e Industria, Xavier Valino, destacou o carácter formativo e cultural do Torneo. "A Compostela Cup do Camiño va máis aló do aspecto competitivo, serve para ensalzar os valores e o encontro e irmandamento entre deportistas de distinta procedencia. Elementos que tamén ilustran o fenómeno Xacobeo. Cómpre lembrar tamén que a experiencia do Camiño de Santiago está vinculada ao deporte, porque os peregrinos chegan a Compostela a pé, en cabalo ou en bicicleta", comentou.
Finalmente, o director de Marketing de Caixanova (entidade patrocinadora), Jorge Santos, destacou o crecemento da Compostela Cup do Camiño: "Dende a súa orixe, non só en número de participantes, senón tamén nos seus obxectivos, xa que é unha competición que da moita importancia á convivencia entre os seus participantes. Ademais, superou o localismo. É algo de Galicia; e mantén siñerxias con outros campionatos da nosa comunidade. Tamén é unha enorme satisfacción ver como en cada edición aumenta o abano de deportes".
Fase Final
A Fase Final da Compostela Cup do Camiño desenvolverase entre os días 14 de xuño e 6 de xullo. Na disciplina de fútbol, contará con equipos procedentes de distintas comunidades autónomas españolas, como Andalucía ou Castela-A Mancha. No ámbito internacional está confirmada a presenza de varios clubes portugueses de Braga, Bragança, Lisboa e Porto. Ademais, tamén estarán os equipos de base dos clubes más representativos do fútbol galego: Deportivo, Celta, Racing de Ferrol e Lugo, e a práctica totalidade das canteiras máis representativas das catro provincias da nosa Comunidade.
Na modalidade de baloncesto destaca a participación no Torneo dos equipos das categorías inferiores do CB Pío XII de Santiago, o CB Arxil de Pontevedra, o CB Cidade de Lugo, o CB Marín Peixe Galego e o IB Rosalía de Castro, entre outros. E tamén conxuntos procedentes das comunidades autónomas de Castela e León, Cataluña, Estremadura ou Valencia, así como formacións procedentes de Portugal.
A disciplina de fútbol sala contará cunha ampla representación de equipos galegos, entre os que destacan O Parrulo FS e o Lobelle de Santiago. Mentres que para o atletismo acudirán á cita, entre outros, o Club Atletismo Noia, Atlética A Silva, San Xoán de Ferrol ou a EDM Riveira.
O ciclismo, unha das novidades desta edición do Torneo, estreará a súa andaina na competición coa disputa dunha proba que sairá de Palas de Rei e terá a súa chegada no Estadio Multiusos de San Lázaro, en Santiago de Compostela. Cómpre lembrar tamén que, un ano máis, os deportes maioritarios convivirán coas exhibicións doutras modalidades deportivas coma o tenis de mesa, a loita, a esgrima ou o xadrez.
Fases previas
A Compostela Cup do Camiño 2008 comezou hai seis meses coa disputa da Fase Local, que se desenvolveu en 23 concellos galegos: Abegondo, Allariz, Ames, Arzúa, Boimorto, Boiro, Cerceda, Ferrol, Lugo, Mos, Noia, O Pino, Oroso, Ourense, Pontevedra, Porto do Son, Redondela, Ribadeo, Ribeira, Sarria, Teo, Verín, Xinzo e na localidade portuguesa de Porto. Nesta rolda participaron un total de 220 equipos e 3.735 deportistas, nas modalidades de atletismo en pista e ruta, baloncesto, fútbol e fútbol sala.
Os Concellos de Ferrol e Ourense foron as sedes da Fase Comarcal. Nesta segunda rolda da competición estiveron un total de 41 equipos e 787 deportistas, nas disciplinas de: baloncesto, fútbol e fútbol sala. Polo que ata a data, na Compostela Cup do Camiño 2008, participaron un total de 261 conxuntos e 4.522 deportistas.
Historia
Dende a súa orixe en 2005, a Compostela Cup foi medrando paulatinamente. Na súa primeira edición contaba con dúas modalidades deportivas: fútbol e fútbol 7. Ao seguinte ano sumáronse o baloncesto e o fútbol sala, mentres que na última edición foron o balonmán e o fútbol de veteranos. E, para a presente edición, ás disciplinas deportivas mencionadas uníronse o atletismo en pista e ruta e o ciclismo.
Ademais, de xeito progresivo tamén foi aumentando o número de categorías en cada un destes deportes. O incremento do número de modalidades deportivas no Torneo supuxo que fose medrando o número de participantes e dos seus lugares de procedencia: Galicia, doutras autonomías do territorio español e do estranxeiro.
Porén, a evolución máis importante da competición foi cualitativa. Dende a edición de 2007 o Torneo cambiou o seu nome polo de Compostela Cup do Camiño para sumar, aos seus obxectivos iniciais a unión entre o deporte e a cultura; o deporte e os distintos Camiños que levan a Compostela.
O novo deseño do Torneo nace coa finalidade de dar a coñecer o Patrimonio Cultural, Natural e Mitolóxico galego, polo que dende a terceira edición as fases previas do torneo (locais e comarcais), dispútanse ao longo dos distintos concellos pertencentes as catro provincias de Galicia, que forman parte do Camiño de Santiago.