MEDIO AMBIENTE
Os veciños e veciñas que participen na visita poderán observar que a auga que se consume en Compostela procede do Río Tambre, mais antes de ser consumida hai que tratala. Unha vez tratada, a auga é subida a un depósito central para ser distribuída a outros depósitos secundarios e finalmente aos fogares. Este proceso de distribución é xestionado por Aquagest, que colabora na organización das visitas guiadas, actividade onde se poderá observar todo este proceso de potabilización.
Un obxectivo fundamental para a Concellaría do Medio Ambiente é aumentar a conciencia cidadán sobre o uso racional dos recursos naturais. As visitas á potabilizadora serán un complemento ao programa piloto "Fogares Verdes" que se está a desenvolver conxuntamente co INEGA e ADEGA.
Visitas abertas a toda a veciñanza
Ata agora as visitas á potabilizadora eran realizadas habitualmente por centros de ensino ou colectivos en formación. Elvira Cienfuegos, no acto de presentación do programa de visitas a principios de mes, manifestaba que "agora ábrese a oportunidade de que toda a veciñanza poda coñecer como funciona a potabilizadora situada en Chaian".
As visitas serán de caracter colectivo para grupos dun mínimo de 15 persoas e un máximo de 25 de luns a venres e poderanse solicitar no correo-e medioambiente@santiagodecompostela.gal.
Comeza o programa de visitas á estación potabilizadora de Santiago
13/05/2008 A Concellaría do Medio Ambiente comeza o mércores 14 de maio o programa de visitas guiadas á potabilizadora da cidade . Neste programa de actividades colaborará a empresa Aquagest, encargada de xestionar a rede de abastecemento de Santiago.
O mércores 14, os veciños e veciñas do barrio de Vite realizarán a primeira das visitas guiadas. A actividade comezará ás 18:30 horas cunha breve explicación histórica ao pé do acueduto da Ponte Mantible. Vite é unha zona da cidade ideal para coñecer como se desenvolveu a rede de abastecemento de Santiago. Dende o barrio pódense observar os depósitos das Cancelas e, ademais, no mesmo situase o acueduto que surte de auga a varias fontes da cidade e que tivo grande importancia na historia do abastecemento da Compostela medieval.Os veciños e veciñas que participen na visita poderán observar que a auga que se consume en Compostela procede do Río Tambre, mais antes de ser consumida hai que tratala. Unha vez tratada, a auga é subida a un depósito central para ser distribuída a outros depósitos secundarios e finalmente aos fogares. Este proceso de distribución é xestionado por Aquagest, que colabora na organización das visitas guiadas, actividade onde se poderá observar todo este proceso de potabilización.
Un obxectivo fundamental para a Concellaría do Medio Ambiente é aumentar a conciencia cidadán sobre o uso racional dos recursos naturais. As visitas á potabilizadora serán un complemento ao programa piloto "Fogares Verdes" que se está a desenvolver conxuntamente co INEGA e ADEGA.
Visitas abertas a toda a veciñanza
Ata agora as visitas á potabilizadora eran realizadas habitualmente por centros de ensino ou colectivos en formación. Elvira Cienfuegos, no acto de presentación do programa de visitas a principios de mes, manifestaba que "agora ábrese a oportunidade de que toda a veciñanza poda coñecer como funciona a potabilizadora situada en Chaian".
As visitas serán de caracter colectivo para grupos dun mínimo de 15 persoas e un máximo de 25 de luns a venres e poderanse solicitar no correo-e medioambiente@santiagodecompostela.gal.