Comezan os concertos didácticos de música tradicional nos centros de ensino

EDUCACIÓN

01/04/2008 O mércores 2 de abril comeza o ciclo de concertos didácticos de música tradicional. Desenvolveranse ao longo do mes de abril nos centros de Ensino de Compostela.

O grupo de música tradicional Caldaloba e Felisa Segade, do grupo Leilía, encargaranse destas sesións, que introducirán aos rapaces no coñecemento da nosa tradición musical, dun xeito lúdico e participativo. Coa interpretación de distintas pezas ao longo do concerto preténdese conxugar o coñecemento de distintas facetas da música tradicional. Os artistas interpretarán pezas tradicionais con distintos instrumentos, mesmo apeiros

No concerto, os rapaces poderán escoitar as seguintes pezas: Alalá de Carbalo (canto da zona Fisterra); Jota de Fonsagrada (peza da zona oriental de Lugo); Romance de Don Gaiferos (romance con zanfona); Vals de Sarandón (da Comarca da Ulla); Muiñeira de Calvo de Randín (peza cantada da zona sur de Ourense); Maneo de Erbecedo (peza cantada da zona de Fisterra); Farruquiña chama á porta (da zona de Pontevedra); Muiñeira de Villoria (peza da zona de Trives); Mallou (murga de Santiago) e O verde Gaio (peza galego-portuguesa) Durante o concerto haberá unha proxección dixital de imaxes de lugares de Galicia.

Nos concertos desta semana, está prevista a participación dos CEIP Lamas de Abade e Fontiñas o 2 de abril, e dos CEIP López Ferreiro e Rodríguez Xixirei o 3 de abril.