COMUNICACIÓN
A capela ardente estará situada no Tanatorio do Hospital Clínico de Santiago. Mañá domingo, ás 18:30 horas, terá lugar unha misa polo seu eterno descanso e, a continuación, na intimidade familiar, a súa incineración.
Desde o Concello de Santiago queremos facer chegar as nosas condolencias á súa familia e aos seus achegados. A súa dor é a nosa.
Falece Felipe Molinero, xefe de prensa do Concello de Santiago
08/03/2008 Felipe Molinero Gil, de 46 anos, xefe de Prensa do Concello de Santiago desde 1997, faleceu hoxe en Santiago de Compostela, onde vivía desde hai vinte anos, tras unha longa e penosa enfermidade. Natural de Bilbao, Felipe Molinero integrárase moi activamente na capital galega, onde traballou como xornalista en El Ideal Gallego, antes de entrar a traballar no Concello en 1989 e oito anos máis tarde ser nomeado xefe de prensa.
Felipe Molinero era amante da natureza, do sendeirismo, das viaxes, e gostaba da literatura, do cine, da música e das boas conversas. Bo profesional e mellor persoa, crítico, íntegro e leal cos seus amigos, Felipe loitou ata o último momento pola vida co amor e apoio incondicional e permanente da súa muller, Lourdes, e do seu meniño Jan, de catro anos.A capela ardente estará situada no Tanatorio do Hospital Clínico de Santiago. Mañá domingo, ás 18:30 horas, terá lugar unha misa polo seu eterno descanso e, a continuación, na intimidade familiar, a súa incineración.
Desde o Concello de Santiago queremos facer chegar as nosas condolencias á súa familia e aos seus achegados. A súa dor é a nosa.