ALCALDÍA
O Concello e Mulleres pola Igualdade intercambiarán información
03/03/2008 O alcalde compostelán, Xosé A. Sánchez Bugallo, e a concelleira de Benestar Social e Muller, Mar Martín, recibiron á presidenta da asociación Mulleres pola Igualdade, María Vázquez Sande.
Na xuntanza, Vázquez Sande quixo transmitir algunhas das demandas que chegaron á súa asociación, con sede na Coruña, co fin de que poidan ser canalizadas dende a Concellería de Benestar. O alcalde e a concelleira comprometéronse a establecer os mecanismos para intercambiar información e dar resposta a estas demandas.