TURISMO
Ademais de na xuntanza da European Film Commission Network, a SCFC participará no curso de "Marketing para Film Commissions", organizado pola Asociación Internacional de Film Commissions (AFCI) e impartido polo prestixioso especialista Vince-Wayne Mitchell.
Santiago promove os seus escenarios en Berlín
07/02/2008 A Santiago de Compostela Film Commission (SCFC) asistirá ao Festival Internacional de Cinema de Berlín, a Berlinale, que se celebra na capital alemá entre o 7 e 17 de febreiro. Entre outras actividades previstas para o certame, destaca a xuntanza da recentemente creada European Film Commission Network, da que SCFC é membro fundador.
Nesta Berlinale, concibida como punto de encontro do cinema europeo, a SCFC promocionará a Santiago de Compostela entre produtores e localizadores internacionais, para atraer rodaxes á cidade. Para iso presentará o seu vídeo promocional e a súa guía impresa, que contén toda a información relativa aos escenarios monumentais e naturais da capital galega, así coma listados exhaustivos dos servizos audiovisuais da cidade.Ademais de na xuntanza da European Film Commission Network, a SCFC participará no curso de "Marketing para Film Commissions", organizado pola Asociación Internacional de Film Commissions (AFCI) e impartido polo prestixioso especialista Vince-Wayne Mitchell.