UMAD
A este encontro co xuíz Calatayud tamén asistirán profesionais de diferentes ámbitos cuxo labor está relacionado con menores: directores e orientadores dos centros educativos, o equipo de orientación específico da Coruña, profesionais do servizo de protección de menores, equipos de prevención e asistencial de drogodependencias do Concello, técnicos de servizos sociais, Garda Civil, Policía Local, Policía Autonómica e outros, que terán a oportunidade de reflexionar e intercambiar puntos de vista desde a súa perspectiva profesional.
Sentenzas exemplares
Emilio Calatayud logrou resonancia nos medios de comunicacións grazas a sentenzas como a que obrigaba a menores de Granada que se dedicaban a queimar papeleiras a traballar dous fins de semana cos bombeiros; ou a un mozo que circulaba bébedo en moto, a visitar parapléxicos que se rehabilitaban de accidentes de tráfico durante un día enteiro, falar coas súas familias e facer unha redacción. Outro caso: un adolescente que roubaba polo método do tirón permanece en liberdade vixiada tres anos durante os que ten que estudar mecánica e traballar para levar un soldo á súa casa.
No pobo de Darro, por exemplo, o único policía local, Antonio Morillas, ten dende hai uns meses un compañeiro de patrulla. Trátase dun menor detido reiteradamente por condución temeraria e sen permiso de circulación. Calatayud condenouno a 100 horas de servizo á comunidade, ademais de prohibirlle a condución de calquera vehículo durante seis meses. Co axente Morillas entregado tamén á causa rehabilitadora, empezan a verse os progresos do mozo. "Estase mellor no outro bando", chegou a admitir o pupilo. Así son as sentenzas de Emilio Calatayud: instrutivas, sinxelas, proporcionais e eficientes. Na súa opinión, todos os rapaces necesitan unha oportunidade que el está disposto a darlles.
Firme defensor da Lei do Menor, Emilio Calatayud considera que é un texto que ten moitas vantaxes, acorde co século no que estamos, pero que foi explicado de forma inadecuada.
O xuíz de menores Emilio Calatayud dá unha charla a mozas e mozos composteláns
30/01/2008 Emilio Calatayud, xuíz titular do Xulgado de Menores número 1 de Granada, coñecido polas súas sentenzas educativas, estará en Santiago de Compostela o venres 1 de febreiro. Ás 10.30 horas manterá no Auditorio de Galicia un encontro cos medios de comunicación, no que estará acompañado pola concelleira de Benestar Social, Mar Martín. A continuación, sobre as 11.00 horas, ofrecerá unha charla sobre os dereitos e deberes dos novos no ámbito da Lei do Menor a un grupo de 240 alumnos de 3º e 4º da ESO dos diferentes centros educativos de Compostela.
Esta conferencia enmárcase nas actuacións que se desenvolven na área de prevención de drogodependencias do Concello e tanto a intervención do xuíz como as preguntas que xurdan serán recollidas nun DVD que será utilizado como material didáctico para os que non poidan asistir in situ ao acto.A este encontro co xuíz Calatayud tamén asistirán profesionais de diferentes ámbitos cuxo labor está relacionado con menores: directores e orientadores dos centros educativos, o equipo de orientación específico da Coruña, profesionais do servizo de protección de menores, equipos de prevención e asistencial de drogodependencias do Concello, técnicos de servizos sociais, Garda Civil, Policía Local, Policía Autonómica e outros, que terán a oportunidade de reflexionar e intercambiar puntos de vista desde a súa perspectiva profesional.
Sentenzas exemplares
Emilio Calatayud logrou resonancia nos medios de comunicacións grazas a sentenzas como a que obrigaba a menores de Granada que se dedicaban a queimar papeleiras a traballar dous fins de semana cos bombeiros; ou a un mozo que circulaba bébedo en moto, a visitar parapléxicos que se rehabilitaban de accidentes de tráfico durante un día enteiro, falar coas súas familias e facer unha redacción. Outro caso: un adolescente que roubaba polo método do tirón permanece en liberdade vixiada tres anos durante os que ten que estudar mecánica e traballar para levar un soldo á súa casa.
No pobo de Darro, por exemplo, o único policía local, Antonio Morillas, ten dende hai uns meses un compañeiro de patrulla. Trátase dun menor detido reiteradamente por condución temeraria e sen permiso de circulación. Calatayud condenouno a 100 horas de servizo á comunidade, ademais de prohibirlle a condución de calquera vehículo durante seis meses. Co axente Morillas entregado tamén á causa rehabilitadora, empezan a verse os progresos do mozo. "Estase mellor no outro bando", chegou a admitir o pupilo. Así son as sentenzas de Emilio Calatayud: instrutivas, sinxelas, proporcionais e eficientes. Na súa opinión, todos os rapaces necesitan unha oportunidade que el está disposto a darlles.
Firme defensor da Lei do Menor, Emilio Calatayud considera que é un texto que ten moitas vantaxes, acorde co século no que estamos, pero que foi explicado de forma inadecuada.