ALCALDÍA
Compostela liderará un proxecto europeo sobre cidades intelixentes
14/12/2007 O alcalde compostelán, Xosé A. Sánchez Bugallo, presidirá o luns 17, en Rennes (Francia), a Comisión Executiva da Conferencia de Cidades do Arco Atlántico (CCAA). Na mesma renderase homenaxe ao alcalde desta vila francesa, Edmond Hervé, impulsor deste grupo de cidades europeas, que deixa o seu cargo en marzo de 2008.
Na xuntanza analizarase a marcha dos catro grupos de traballo: Desenvolvemento Urbano e Portos, Desenvolvemento Económico, Cultura e Patrimonio e Transporte e Accesibilidade, liderados respectivamente por Coventry (Inglaterra), San Sebastián, Lisboa (Portugal) e Nantes (Francia) .Dentro do grupo de Desenvolvemento Económico, Sánchez Bugallo anunciou que Santiago vai por en marcha un proxecto sobre cidades intelixentes, no que participará unha cidade de cada país.