PROMOCIÓN ECONÓMICA
Case dous anos despois do seu nacemento constituíronse xa 56 empresas que dan traballo a 120 persoas, 59 mulleres e 61 homes; aos que hai que sumar outros 11 empregos creados para o desenvolvemento do proxecto.
A primeira empresa nacida ao abeiro de Equal Compostela Social foi Pret-a-couture Belén Mosquera, o 19 de maio de 2006. Dende esa data o atelier de moda, ubicado na rúa Fonte de San Miguel, 1, acadou varios premios. Así, foi gañador do Concurso de I+C (Imaxinación máis Comercio) no 2007. O taller tamén se clasificou en primeiro lugar na edición de verán do IV Concurso Municipal de Escaparatismo, SCQ Shoping. O xurado valorou a eficacia comunicativa do escaparate e a espectacularidade do deseño arquitectónico e decorativo do interior do establecemento.
O taller de Belén Mosquera, a primeira empresa xurdida do Equal Compostela Social, celebra o seu desfile
25/10/2007 O venres 26 de outubro terá lugar o desfile-presentación do atelier de moda Prét-a-couture Belén Mosquera, a primeira empresa xurdida a través do Proxecto Equal Compostela Social, impulsado pola Concellaría de Promoción Económica, Emprego, Comercio e Turismo. Máis de 200 persoas xa recibiron a invitación para asistir ao acto, que se celebrará ás 21:00 horas no Café Casino (rúa do Vilar, 35). Entre as modelos que participarán na presentación, na que se poderán ver tanto traxes de festa como de noiva, figura a compostelá Paola Ditano.
No desfile-presentación colaboran as empresas de perruquería e estética Fer&Clau, Floristería Xulián e o centro de estética Saúde e Beleza, outra das empresas nacida a partires de Equal Compostela Social. Este programa de fomento do autoemprego naceu en novembro do 2005. Nel participan, ademais do Concello de Santiago, os de Ames, Boqueixón, Brión, Teo, Val do Dubra e Vedra. Tamén colaboran a Consellería de Traballo, a Universidade de Santiago, a Fundación para o Desenvolvemento Comarcal da área de Compostela, a Cámara de Comercio, a Plataforma polo Emprego, Cogami e Caixa Galicia a través da súa Obra Social.Case dous anos despois do seu nacemento constituíronse xa 56 empresas que dan traballo a 120 persoas, 59 mulleres e 61 homes; aos que hai que sumar outros 11 empregos creados para o desenvolvemento do proxecto.
A primeira empresa nacida ao abeiro de Equal Compostela Social foi Pret-a-couture Belén Mosquera, o 19 de maio de 2006. Dende esa data o atelier de moda, ubicado na rúa Fonte de San Miguel, 1, acadou varios premios. Así, foi gañador do Concurso de I+C (Imaxinación máis Comercio) no 2007. O taller tamén se clasificou en primeiro lugar na edición de verán do IV Concurso Municipal de Escaparatismo, SCQ Shoping. O xurado valorou a eficacia comunicativa do escaparate e a espectacularidade do deseño arquitectónico e decorativo do interior do establecemento.