CULTURA
Así pois, os principais filmes premiados nos festivais internacionais estarán presentes en Cineuropa. Entre eles cómpre destacar o Oso de Ouro en Berlín, a china "A voda de Tuya"; a Palma de Ouro de Cannes, a rumana "Catro meses, tres semanas, dous días" e o Gran Premio do Xurado no mesmo certame, "O bosque de luto", de Naomi Kawase. A lista do palmarés de premios internacionais que consolidan a Cineuropa como festival de festivais, engrósana a xa citada "Redacted", de Brian de Palma, premiado en Venecia; "Mil anos de oración", de Wayne Wang, Concha de Ouro en San Sebastián; e "The fall", de Trasem Singh, gañadora do Festival de Cine Fantástico de Sitges. O cine fantástico será precisamente protagonista dunha das seccións especiais de Cineuropa, que tamén manterá espazos como "Mundo Asia" ou "Doc-Music".
Cineuropa celebrarase este ano no Teatro Principal, no Salón Teatro, no Centro Galego de Arte Contemporánea (CGAC), na Fundación Caixa Galicia e na Aula de Cultura de Caixa Galicia.
Cineuropa convertirá de novo Compostela na capital do cine independente do 6 de novembro ao 3 de decembro
24/10/2007 O festival de cinema Cineuropa, organizado pola Concellería de Cultura, chega en novembro á súa XXI edición convertendo, unha vez máis, a Compostela na capital do cine independente, social e de autor. Do 6 de novembro ao 3 de decembro poderanse ver en Santiago arredor de cen películas entre as que estarán, ademais dos principais premios e filmes mais notorios dos diferentes festivais internacionais celebrados ao longo da tempada, as dúas primeiras reaccións da crítica radical á actuación dos Estados Unidos en Irak. Os dous filmes están asinados por dous cineastas de prestixio, Brian de Palma e Paul Haggis.
Coa controvertida, "Redacted", o consagrado Brian de Palma obtivo o León de Prata ao mellor director en Venecia. Pola súa parte, "No val de Ellah", estreada tamén en Venecia, é o novo filme de Paul Haggis, triunfador nos Oscar con "Crash". "No val de Elah", drama protagonizado por Tomy Lee Jones, Charlize Theron e Susan Sarandon, soa xa con forza como candidata aos Óscar. Outro filme que se incluirá na XXI edición de Cineuropa e que ofrece a súa visión da escalada bélica norteamericana é "Budo explotou por vergoña", de Hana Makhmalbaf, Gran Premio do Xurado en San Sebastián.Así pois, os principais filmes premiados nos festivais internacionais estarán presentes en Cineuropa. Entre eles cómpre destacar o Oso de Ouro en Berlín, a china "A voda de Tuya"; a Palma de Ouro de Cannes, a rumana "Catro meses, tres semanas, dous días" e o Gran Premio do Xurado no mesmo certame, "O bosque de luto", de Naomi Kawase. A lista do palmarés de premios internacionais que consolidan a Cineuropa como festival de festivais, engrósana a xa citada "Redacted", de Brian de Palma, premiado en Venecia; "Mil anos de oración", de Wayne Wang, Concha de Ouro en San Sebastián; e "The fall", de Trasem Singh, gañadora do Festival de Cine Fantástico de Sitges. O cine fantástico será precisamente protagonista dunha das seccións especiais de Cineuropa, que tamén manterá espazos como "Mundo Asia" ou "Doc-Music".
Cineuropa celebrarase este ano no Teatro Principal, no Salón Teatro, no Centro Galego de Arte Contemporánea (CGAC), na Fundación Caixa Galicia e na Aula de Cultura de Caixa Galicia.