ALCALDÍA
Estes son outros dous apoios máis que se suman en defensa do remate das obras da Cidade da Cultura, tralos recibidos nos últimos días. Xa se teñen pronunciado a favor do proxecto os empresarios composteláns e os concellos da Mancomunidade de Santiago. Ademais, os tres grupos municipais manifestaron o seu compromiso nunha declaración institucional aprobada en Pleno. O alcalde compostelán agarda que sigan a xurdir pronunciamentos en prol do proxecto en vindeiras datas, mesmo fóra do ámbito da cidade.
O Consello de Relacións Veciñais e o Económico e Social tamén se comprometen co proxecto
17/09/2007 Os membros do Consello de Relacións Veciñais e do Consello Económico e Social reuníronse en sesión extraordinaria para adoptar un acordo unánime de apoio ao proxecto da Cidade da Cultura.
Tanto o Consello de Relacións Veciñais como o Consello Económico e Social reclamaron a continuidade do proxecto e o remate das obras "logo de tantos cartos investidos", así como a "transparencia" a través de información e publicidade regular e puntual sobre o proxecto, a depuración de responsabilidades, no caso de ter que levarse a cabo e, por último, que non se cometan os mesmos erros de xestión do pasado a partir de agora.Estes son outros dous apoios máis que se suman en defensa do remate das obras da Cidade da Cultura, tralos recibidos nos últimos días. Xa se teñen pronunciado a favor do proxecto os empresarios composteláns e os concellos da Mancomunidade de Santiago. Ademais, os tres grupos municipais manifestaron o seu compromiso nunha declaración institucional aprobada en Pleno. O alcalde compostelán agarda que sigan a xurdir pronunciamentos en prol do proxecto en vindeiras datas, mesmo fóra do ámbito da cidade.