BENESTAR SOCIAL E MULLER
A nova sede, situada na rúa das Galeras, 46, ao lado do hospital vello, comezará a funcionar a pleno rendemento o xoves 13, unha vez se vaia completando o traslado do persoal. Arquitectonicamente, o edificio deseñado por Alfredo Varela consta de planta baixa e un primeiro. Cada andar divídese á súa vez en dúas partes.
Na planta baixa, de 438 metros cadrados útiles, úbicase un hall, unha sala de espera, sete despachos de Servizos Sociais e catro de Muller, e unha sala de xuntanzas. Na primeira planta, de 384 metros cadrados útiles, atópanse sendas bibliotecas, ademais doutros seis despachos para Servizos Sociais e outros cinco despachos para Muller. A obra contou cun orzamento total de 923.000 euros.
Coa construción desta nova sede para Benestar Social e Muller e a da Casa das Asociacións de Servizos Sociais en Salgueiriños, o Concello dá resposta á crecente demanda das prestacións sociais ofrecidas por estes departamentos e cada vez máis requiridas polos cidadáns. Así, a nova Casa das Asociacións impulsará a participación social e a colaboración entre cidadáns, asociacións e administración.
O obxectivo da Concellaría de Benestar Social e Muller é achegar os servizos sociais aos veciños de Compostela, e nesa liña tamén está a atención e o asesoramento que se presta nos principais centros socioculturais da cidade, ou na caseta cedida ás entidades de acción social na praza de Galicia.
Horarios e servizos
O novo edificio funcionará cun horario de 9:00 a 11:30 horas para información e de 12:00 a 14:00 horas para as citas. Alí en Galeras haberá dúas unidades de traballo social (UTS), onde os usuarios serán atendidos por traballadoras sociais, unha avogada e unha psicóloga. Tamén estarán nesta sede a traballadora social e a axente de desenvolvemento local encargados do Plan de Emprego.
Cómpre lembrar que as outras unidades de traballo social están situadas de xeito permanente nos centros socioculturais de Fontiñas, Vite e Ensanche. As UTS tamén funcionan un día á semana nos centros de Conxo e da Trisca.
Así mesmo, o complexo de Galeras albergará o Centro de Información á Muller, onde unha traballadora, unha avogada e unha psicóloga atenderán a tódalas usuarias que o desexen.
Unha vez completado o traslado á nova sede de Benestar Social, comezarán os trámites para converter o edificio desaloxado nunha nova escola infantil que dará servizo ao Ensanche compostelán.
O alcalde anuncia a implantación das prestacións de comedor e de lavandería sobre rodas de xeito continuado
10/09/2007 O alcalde, Xosé A. Sánchez Bugallo, anunciou que as prestacións sociais de comedor e de lavandería sobre rodas funcionarán de xeito continuado a partir do último trimestre do ano. Ademais, comunicou que se producirá un aumento das axudas a domicilio ata as 118 persoas, co que desaparecerá a lista de espera e, para 2008, incrementarase ata os 150 usuarios. Tamén en teleasistencia se aumentarán a 150 as terminais.
Sánchez Bugallo fixo estes anuncios no transcurso da inauguración do novo edificio que ocuparán os departamentos municipais de Benestar Social e Muller. Fíxoo acompañado da concelleira da área, Mar Martín. Grazas á implantación permanente dos servizos de comedor e lavandería, poderase atender de forma continuada aos domicilios daquelas persoas que, dentro do programa de axuda o fogar, precísano por razóns de idade, por presentar dificultades para facer esta tarefa ou por outras razóns de índole familiar ou social.A nova sede, situada na rúa das Galeras, 46, ao lado do hospital vello, comezará a funcionar a pleno rendemento o xoves 13, unha vez se vaia completando o traslado do persoal. Arquitectonicamente, o edificio deseñado por Alfredo Varela consta de planta baixa e un primeiro. Cada andar divídese á súa vez en dúas partes.
Na planta baixa, de 438 metros cadrados útiles, úbicase un hall, unha sala de espera, sete despachos de Servizos Sociais e catro de Muller, e unha sala de xuntanzas. Na primeira planta, de 384 metros cadrados útiles, atópanse sendas bibliotecas, ademais doutros seis despachos para Servizos Sociais e outros cinco despachos para Muller. A obra contou cun orzamento total de 923.000 euros.
Coa construción desta nova sede para Benestar Social e Muller e a da Casa das Asociacións de Servizos Sociais en Salgueiriños, o Concello dá resposta á crecente demanda das prestacións sociais ofrecidas por estes departamentos e cada vez máis requiridas polos cidadáns. Así, a nova Casa das Asociacións impulsará a participación social e a colaboración entre cidadáns, asociacións e administración.
O obxectivo da Concellaría de Benestar Social e Muller é achegar os servizos sociais aos veciños de Compostela, e nesa liña tamén está a atención e o asesoramento que se presta nos principais centros socioculturais da cidade, ou na caseta cedida ás entidades de acción social na praza de Galicia.
Horarios e servizos
O novo edificio funcionará cun horario de 9:00 a 11:30 horas para información e de 12:00 a 14:00 horas para as citas. Alí en Galeras haberá dúas unidades de traballo social (UTS), onde os usuarios serán atendidos por traballadoras sociais, unha avogada e unha psicóloga. Tamén estarán nesta sede a traballadora social e a axente de desenvolvemento local encargados do Plan de Emprego.
Cómpre lembrar que as outras unidades de traballo social están situadas de xeito permanente nos centros socioculturais de Fontiñas, Vite e Ensanche. As UTS tamén funcionan un día á semana nos centros de Conxo e da Trisca.
Así mesmo, o complexo de Galeras albergará o Centro de Información á Muller, onde unha traballadora, unha avogada e unha psicóloga atenderán a tódalas usuarias que o desexen.
Unha vez completado o traslado á nova sede de Benestar Social, comezarán os trámites para converter o edificio desaloxado nunha nova escola infantil que dará servizo ao Ensanche compostelán.