Unha cita turística coas igrexas de Compostela

TURISMO

Igrexa da Universidade.

O percorrido comeza pola igrexa de Santa Salomé.

Tímpano da igrexa de San Fiz.

San Domingos de Bonaval.

Santa María do Camiño.

Santo Agostiño.

14/08/2007 Santiago de Compostela conta con 30 igrexas históricas. Estas foron levantadas ao longo dos séculos polo propio Arcebispado, a iniciativa das moitas ordes relixiosas presentes na cidade, ou como mostra de devoción das confrarías e dos composteláns máis adiñeirados. Turismo de Santiago, a través do seu operador, Compostur, invita a coñecer estes monumentos a través dunha visita guiada, novidade este verán e incluída nos "Compostela Walking Tours".

A visita guiada ás igrexas da cidade realízase dende o 6 de xuño ata o 28 de setembro, os mércores (español) e os venres (inglés). A saída é ás 11:00 horas dende a Oficina Central de Turismo de Santiago e a súa duración é de dúas horas aproximadamente. Custa 10 euros.

Este percorrido é unha excelente oportunidade para coñecer o patrimonio eclesiástico da cidade. A visita comeza polas igrexas de Santa Salomé e segue por Orfas, Universidade, San Fiz, Santo Agostiño, Santa María, San Domingos, Ánimas, San Miguel e San Martiño. Para dar a coñecer esta oferta, Turismo de Santiago invitou aos xornalistas composteláns a facer unha destas visitas guiadas.