CONSORCIO
O órgano do Convento de San Paio de Antealtares foi unha das xoias rehabilitadas polo Consorcio en 1996. Foi construído por Alberto de la Peña en 1782 e está situado tralas reixas do coro, presidindo os rezos das monxas deste convento benedictino. A riqueza da súa composición de rexistros, así como a existencia dun segundo teclado, pouco habitual nese período, amosa, dunha banda, os grandes recursos dos órganos barrocos, e doutra, a importancia e representatividade do órgano na vida monástica. O instrumento está dotado de efectos fónicos pouco frecuentes, tales como a chirimía ou os "enanos".
O "Compostela Organum Festival" péchase cun concerto no convento de San Paio
25/05/2007 O sábado 26 de maio, ás 20:30 horas, o convento de San Paio de Antealtares acollerá o último concerto do "Compostela Organum Festival". Eric Brottier interpretará ao órgano pezas de Francisco Correa de Arauxo, Girolamo Frescobaldi, Domenico Scarlatti, Antonio Valente, Pablo Bruna e Antonio Correa Braga.
O encargado de executar o programa musical, Eric Brottier, é un organista francés que realizou diversos estudos con Antoine Geoffroy-Dechaume e Bernard Coudurier. É conservador do órgano histórico da igrexa de Juvigny (Marne) e está considerado tamén un dos mellores carillonistas, como demostra a multitude de concertos realizados en varios países de Europa.O órgano do Convento de San Paio de Antealtares foi unha das xoias rehabilitadas polo Consorcio en 1996. Foi construído por Alberto de la Peña en 1782 e está situado tralas reixas do coro, presidindo os rezos das monxas deste convento benedictino. A riqueza da súa composición de rexistros, así como a existencia dun segundo teclado, pouco habitual nese período, amosa, dunha banda, os grandes recursos dos órganos barrocos, e doutra, a importancia e representatividade do órgano na vida monástica. O instrumento está dotado de efectos fónicos pouco frecuentes, tales como a chirimía ou os "enanos".