TURISMO
Dende 75 euros, Compostur ideou un paquete con todo o necesario para que os fans do cantante irlandés poidan descubrir Santiago dun modo diferente ao habitual, ao mesmo tempo que gozan da música de Morrison. O programa consiste nunha noite de aloxamento nun establecemento hoteleiro da cidade e a entrada ao concerto en zona de grada alta. A isto únese o atractivo Tour Gastronómico, un percorrido polas tendas tradicionais e polo Mercado de Abastos, que inclúe a degustación de produtos galegos. Súmase tamén outra visita, audioguiada, ao casco histórico.
Van Morrison e Santiago de Compostela: unha máxica combinación
10/05/2007 O touroperador oficial de Santiago, Compostur, ofrece un programa para gozar da cidade e do concerto de Van Morrison, o 19 de maio. O visitante pode acompañar o concerto, o único do irlandés en España, con visitas guiadas pola cidade.
Tras a representación da ópera monumental "Aída en fuego", o sábado 19 de maio o Multiusos Fontes do Sar cambia de cara para albergar o único concerto en España da última xira de Van Morrison. Todos aqueles que visiten a cidade ese fin de semana poderán gozar das cancións do "León de Belfast", que se suman aos atractivos habituais que ofrece Compostela.Dende 75 euros, Compostur ideou un paquete con todo o necesario para que os fans do cantante irlandés poidan descubrir Santiago dun modo diferente ao habitual, ao mesmo tempo que gozan da música de Morrison. O programa consiste nunha noite de aloxamento nun establecemento hoteleiro da cidade e a entrada ao concerto en zona de grada alta. A isto únese o atractivo Tour Gastronómico, un percorrido polas tendas tradicionais e polo Mercado de Abastos, que inclúe a degustación de produtos galegos. Súmase tamén outra visita, audioguiada, ao casco histórico.