TURISMO
Tras o 2021 e o 2022, nos que a idea e deseño do cartel recaeu na propia Xunta de Confrarías ao ser Ano Santo, para este 2023, o encargo recaeu na nova Confraría da Esperanza. Fundada no 2005 e con sede na Igrexa das Ánimas, esta confraría realiza a súa Estación de Penitencia a tarde do Domingo de Ramos e está protagonizada, case na súa totalidade, por nenos e nenas que visten de traxes e hábitos vermellos e portan as tradicionais Palmas e Ramos.
Así, este cartel mostra a súa imaxe, a Virxe da Esperanza, unha talla obra de Bernardino Mosquera que data do 1877. Restaurada en 2015 por Manuel Rodríguez Rocha grazas ao párroco de San Fructuoso, a Esperanza viste un traxe doado ao que se lle engadiron os bordados do traxe orixinal. Ademais, durante o seu tránsito pola cidade, leva consigo dous rosarios, un broche de ouro, un pano de encaixe de Camariñas e uns pendentes de ouro; abelorios que son prestados cada ano por un confrade. Na imaxe do cartel, tamén se quixo facer unha chiscadela ás portadoras. Todas elas mulleres que comezaron de nenas na confraría e que, co paso dos anos, convertéronse nos pés e ollos da súa venerada imaxe.
Na presentación que tivo lugar esta mañá, o recentemente elixido presidente da Xunta de Confrarías, Luís Seoane, amosou a súa satisfacción porque fose esta Confraría a encargada de realizar o cartel xa que, "é unha das confrarías máis novas da nosa cidade e isto deixa de manifesto que a Semana Santa compostelá está en pleno auxe e conta cun importante respaldo que esperamos que continúe en alza".
Ademais, Luís Seoane aproveitou a ocasión para anunciar que a Semana Santa de Santiago xa cumpre todos os requisitos para presentar a súa candidatura a Festa de Interese Turístico Nacional. Por iso adiantou que "durante os próximos meses ordenaremos e prepararemos toda a documentación necesaria para dar os pasos administrativos necesarios para solicitar o Interese Turístico Nacional".
Desde a Xunta de Confrarías tamén tiveron palabras de agradecemento á asociación de comerciantes do Centro histórico "Compostela Monumental" entidade que, un ano máis, colaborará na impresión dos carteis, tanto para colocar na propia cidade como para envialos ao resto do mundo. "Cada ano hai un maior incremento de solicitudes do cartel da Semana Santa de Santiago. A nosa cidade é un referente mundial e iso conleva un gran interese nas nosas procesións". "Como non podería ser doutra forma, enviámolos por correo a todas as persoas e/o entidades que nolos solicitan, é para nós unha satisfacción ese interese e é bo tanto para a nosa cidade como para Galicia", indicou Seoane.
Xa, por último, desde a Xunta de Confrarías quixeron agradecer a colaboración das institucións, tanto municipais como autonómicas, coas que proximamente materializarán a súa colaboración, así como do Instituto Europeo "Campus Stellae", edificio situado na Praza da Quintana que, desde hai 3 anos, presta as súas instalacións como sede desta organización relixiosa.
Durante o acto tamén se anunciou que a a primeira semana de marzo presentarase a programación para este 2023 que, do mesmo xeito que o pasado ano, será extensa xa que, ademais dos 17 desfiles procesionais, contará cunha ampla actividade cultural, litúrxica e musical das propias confrarías.
A Xunta de Confrarías presenta o cartel da Semana Santa 2023 que terá lugar do 31 de marzo ao 9 de abril
11/01/2023 Este ano 2023 o encargo recaeu na nova Confraría da Esperanza, que procesiona case na súa totalidade con nenos e nenas a tarde do Domingo de Ramos. Luís Seoane, presidente da Xunta de Confrarías aproveitou a cita para indicar que durante os próximos meses presentarán a súa candidatura para optar ao Interese Turístico Nacional.
Esta mañá a Xunta de Confrarías da Semana Santa de Santiago presentou no Instituto Europeo "Campus Stellae" o cartel para este ano 2023, nun acto que contou coa asistencia do alcalde de Santiago, Xosé Sánchez Bugallo; o concelleiro de Turismo, Sindo Guinarte; varios membros da Corporación Municipal; o consiliario da Xunta de Confrarías e chanceler do arcebispado, Elisardo Temperán; a directora de Turismo de Galicia, Nava Castro; o secretario xeral de Política Lingüística, Valentín García; a xerente de INCOLSA, Flavia Ramil; o presidente e o xerente de Compostela Monumental, José Manuel Belo e José Ángel Blanco, respectivamente, e a directora do Instituto Europeo Campus Stellae, Nuria Pereira.Tras o 2021 e o 2022, nos que a idea e deseño do cartel recaeu na propia Xunta de Confrarías ao ser Ano Santo, para este 2023, o encargo recaeu na nova Confraría da Esperanza. Fundada no 2005 e con sede na Igrexa das Ánimas, esta confraría realiza a súa Estación de Penitencia a tarde do Domingo de Ramos e está protagonizada, case na súa totalidade, por nenos e nenas que visten de traxes e hábitos vermellos e portan as tradicionais Palmas e Ramos.
Así, este cartel mostra a súa imaxe, a Virxe da Esperanza, unha talla obra de Bernardino Mosquera que data do 1877. Restaurada en 2015 por Manuel Rodríguez Rocha grazas ao párroco de San Fructuoso, a Esperanza viste un traxe doado ao que se lle engadiron os bordados do traxe orixinal. Ademais, durante o seu tránsito pola cidade, leva consigo dous rosarios, un broche de ouro, un pano de encaixe de Camariñas e uns pendentes de ouro; abelorios que son prestados cada ano por un confrade. Na imaxe do cartel, tamén se quixo facer unha chiscadela ás portadoras. Todas elas mulleres que comezaron de nenas na confraría e que, co paso dos anos, convertéronse nos pés e ollos da súa venerada imaxe.
Na presentación que tivo lugar esta mañá, o recentemente elixido presidente da Xunta de Confrarías, Luís Seoane, amosou a súa satisfacción porque fose esta Confraría a encargada de realizar o cartel xa que, "é unha das confrarías máis novas da nosa cidade e isto deixa de manifesto que a Semana Santa compostelá está en pleno auxe e conta cun importante respaldo que esperamos que continúe en alza".
Ademais, Luís Seoane aproveitou a ocasión para anunciar que a Semana Santa de Santiago xa cumpre todos os requisitos para presentar a súa candidatura a Festa de Interese Turístico Nacional. Por iso adiantou que "durante os próximos meses ordenaremos e prepararemos toda a documentación necesaria para dar os pasos administrativos necesarios para solicitar o Interese Turístico Nacional".
Desde a Xunta de Confrarías tamén tiveron palabras de agradecemento á asociación de comerciantes do Centro histórico "Compostela Monumental" entidade que, un ano máis, colaborará na impresión dos carteis, tanto para colocar na propia cidade como para envialos ao resto do mundo. "Cada ano hai un maior incremento de solicitudes do cartel da Semana Santa de Santiago. A nosa cidade é un referente mundial e iso conleva un gran interese nas nosas procesións". "Como non podería ser doutra forma, enviámolos por correo a todas as persoas e/o entidades que nolos solicitan, é para nós unha satisfacción ese interese e é bo tanto para a nosa cidade como para Galicia", indicou Seoane.
Xa, por último, desde a Xunta de Confrarías quixeron agradecer a colaboración das institucións, tanto municipais como autonómicas, coas que proximamente materializarán a súa colaboración, así como do Instituto Europeo "Campus Stellae", edificio situado na Praza da Quintana que, desde hai 3 anos, presta as súas instalacións como sede desta organización relixiosa.
Durante o acto tamén se anunciou que a a primeira semana de marzo presentarase a programación para este 2023 que, do mesmo xeito que o pasado ano, será extensa xa que, ademais dos 17 desfiles procesionais, contará cunha ampla actividade cultural, litúrxica e musical das propias confrarías.