ALCALDÍA
O rexedor engadiu que nos orzamentos de 2022 hai incorporadas dúas partidas unha delas para equipamento do centro, que cualificou como "un orgullo para todos os composteláns". O alcalde rematou agradecendo "o labor, o esforzo, a constancia e enerxía do empresariado do Tambre e da súa asociación; e a vontade do Concello de Santiago é seguir colaborando e apostando" por este proxecto. "A bioteconoloxía é unha parte importante do futuro de Santiago", concluiu.
Na visita tamén estaban presentes a concelleira de Urbanismo, Mercedes Rosón; José Fernández Alborés, presidente da Asociación Área Emprearial do Tambre; Xavier Freire, da directiva da Cámara de Comercio de Santiago de Compostela; Carme Casado, conselleira delegada de UNINOVA; e Jesús Longarela e David Mariño, director de Produción e xefe de obra de "Constructora San José", a empresa que leva a cabo a obra.
Sionlla Biotech SL, no ue están presentes a Asociación Área Empresarial do Tambre, UNINOVA (cuxo accionista maioritario é o Concello de Santiago) e a Cámara de Comercio de Santiago de Compostela; é a sociedade impulsora do Centro de Servizos Innovadores para Empresas Biotecnolóxicas cofinanciado con fondos procedentes da Xunta de Galicia a través do IGAPE; e da Unión Europea, a través do "Programa Operativo FEDER Galicia 2014-2020".
O alcalde destaca, durante a visita ás obras do CSIEB, a implicación do Concello de Santiago no proxecto do biopolo e a aposta pola biotecnoloxía
22/07/2022 O alcalde de Santiago, Xosé Sánchez Bugallo, visitou hoxe as obras do Centro de Servizos Innovadores para Empresas Biotecnolóxicas (CSIEB) que ese está construindo nunha parcela cedida polo Concello de Santiago, a través de Sionlla Biotech. O biopolo ten como finalidade impulsar a investigación no eido da biotecnoloxía que se desenvolve en Santiago, afianzándoa e asentándoa na cidade, para que xere tecido industrial na contorna.
Un proxecto que se dotou e se está dotando de espazo e medios suficientes para que sexa un referente a nivel nacional e internacional, é que á vez, sexa capaz de reter o investimento empresarial e o talento que xeran as universidades galegas. Sánchez Bugallo sinalou que esta visita evidencia a visualización "dese traballo que se leva desenvolvido nos tres últimos anos". O alcalde lembrou a implicación do Concello de Santiago no proxecto, coa cesión da parcela "a través dunha declaración de interese xeral aprobada polo Pleno da Corporación; así como a axuda económica prestada e a colaboración coa Asociación Área Empresarial do Tambre, "subvencionando e financiando os diferentes proxectos e estudos necesarios pola en marcha e tamén adquirindo a sociedade UNINOVA, que é accionista e forma parte do Consello de Administración do Biopolo".O rexedor engadiu que nos orzamentos de 2022 hai incorporadas dúas partidas unha delas para equipamento do centro, que cualificou como "un orgullo para todos os composteláns". O alcalde rematou agradecendo "o labor, o esforzo, a constancia e enerxía do empresariado do Tambre e da súa asociación; e a vontade do Concello de Santiago é seguir colaborando e apostando" por este proxecto. "A bioteconoloxía é unha parte importante do futuro de Santiago", concluiu.
Na visita tamén estaban presentes a concelleira de Urbanismo, Mercedes Rosón; José Fernández Alborés, presidente da Asociación Área Emprearial do Tambre; Xavier Freire, da directiva da Cámara de Comercio de Santiago de Compostela; Carme Casado, conselleira delegada de UNINOVA; e Jesús Longarela e David Mariño, director de Produción e xefe de obra de "Constructora San José", a empresa que leva a cabo a obra.
Sionlla Biotech SL, no ue están presentes a Asociación Área Empresarial do Tambre, UNINOVA (cuxo accionista maioritario é o Concello de Santiago) e a Cámara de Comercio de Santiago de Compostela; é a sociedade impulsora do Centro de Servizos Innovadores para Empresas Biotecnolóxicas cofinanciado con fondos procedentes da Xunta de Galicia a través do IGAPE; e da Unión Europea, a través do "Programa Operativo FEDER Galicia 2014-2020".