CIDADES PATRIMONIO
Carlos García Carbayo engadiu que "esta plataforma colocará a España á vangarda dos países turísticos, cunha aposta pola dixitalización que vai mellorar a nosa competitividade e que nos permitirá abordar o desafío da transformación dixital. É unha estupenda noticia que as nosas cidades singulares estean incluídas dentro dos destinos preferentes, xunto ás grandes urbes españolas e os destinos tradicionais de praia, que se van a promocionar a través desta plataforma. Estamos xa traballando na recompilación de datos necesarios para avanzar na primeira fase deste ambicioso desenvolvemento".
A Asemblea do Grupo de Cidades Patrimonio da Humanidade celebrouse no Convento de Santo Domingo, tras a foto de familia no Xardín do Drago, espazo de enorme valor patrimonial e natural, tal e como destacou o alcalde de San Cristóbal de la Laguna, Luís Yeray Gutiérrez. A reunión transcorreu ademais baixo as bandeiras de Ucraína, "en solidariedade e apoio coa poboación de Ucraína e para mostrar a nosa indignación pola invasión", segundo manifestou o presidente do Grupo, quen engadiu que "na Asemblea avanzamos en plans e proxectos en cada unha das nosas áreas de actuación e que estamos listos para despregar, unha vez que a crise sanitaria nos permita intensificar as nosas accións para a recuperación dos fluxos turísticos, a pesar da nova ameaza que supón a guerra de Ucraína, país que conta con toda a nosa solidariedade, como así deixamos patente a través da declaración institucional que aprobamos hai poucos días".
Con respecto ás novas accións en materia de promoción turística, o presidente do Grupo tamén anunciou que "concretamos o calendario das próximas accións de promoción nacional e internacional que imos levar a cabo este ano. O próximo 29 de abril estaremos en Málaga; e da man de Paradores visitaremos Lisboa o 10 de maio e México, na semana do 13 de xuño". O Grupo tamén se vai a promocionar nas feiras internacionais de Paris, Bruxelas e nas xornadas turísticas que terán lugar en Miami, onde o Grupo está en contacto cos principais operadores turísticos de Florida, en colaboración con Turespaña.
Carlos García Carbayo informou sobre "a campaña de publicidade nacional que estamos a preparar, que este ano alcanza 250.000 euros continuando o esforzo que realizamos en 2021 en materia publicitaria".
Entre as próximas citas culturais, o presidente do Grupo informou de que os alcaldes e alcaldesas do Grupo van acompañar ao alcalde de Santiago de Compostela, Xosé Sánchez Bugallo, os próximos 13 e 14 de maio na súa cidade, con motivo do Ano Santo Compostelán.
En materia de cultura, cuxa comisión preside o alcalde de Santiago de Compostela, a Asemblea do Grupo tamén acordou retomar o Circuito de Carreiras Cidades Patrimonio, que se tivo que suspender pola pandemia. Segundo o presidente, "a principios do mes de abril imos dar a coñecer os detalles da programación desta actividade nunha presentación que acolleremos en Salamanca".
Ademais, García Carbayo subliñou que "estamos a traballar intensamente na preparación da quinta edición da Noite do Patrimonio 2022, que terá lugar o 17 de setembro de maneira simultánea en todas as cidades do grupo, unha iniciativa inédita en Europa, que este ano volverá contar co apoio financeiro do Ministerio de Cultura e Deporte".
O Grupo propúxose, en palabras do presidente, "darlle un xiro de 180 graos ao programa Aula Patrimonio, para a convocatoria do curso 2022-2023. Precisamente, o luns, día 21, os nosos técnicos de Educación reuniranse para abordar as novidades que incorporaremos nesta iniciativa e coas que queremos incluír as novas tecnoloxías e as novas linguaxes para facela máis atractiva e participativa".
O calendario de eventos culturais de 2022 inclúe a organización do Ciclo de Música de Cámara da Escola Superior de Música Raíña Sofía, que este ano alcanzará a súa décima edición, e que está previsto para outono. Carlos García Carbayo avanzou que "como antesala do Ciclo, no mes de xullo, a Escola ofrecerá en Salamanca un concerto moi especial, que será retransmitido en directo pola 2 de TVE e co que queremos reeditar o éxito do evento que gozamos o ano pasado en Mérida".
En materia de patrimonio, cuxa comisión preside o alcalde de San Cristóbal de la Laguna, Luís Yeray Gutiérez, o presidente do Grupo puxo de manifesto que "imos continuar co ronsel marcado polo seminario sobre xestión de patrimonio celebrado recentemente en Salamanca e que contou cunha gran acollida e a presenza de expertos de gran nivel. Nesa liña, o próximo 19 de abril, en Úbeda, imos celebrar a Xornada Informativa ‘Patrimonio Mundial e Obxectivos de Desenvolvemento Sostible’, coordinadas por Paradores e dirixidas a quen desempeña as xefaturas de Turismo das nosas cidades Patrimonio, para reforzar a súa formación neste ámbito co que as 15 cidades estamos aliñadas e comprometidas".
Finalmente, o presidente do Grupo anunciou "a celebración en Mérida do 50 aniversario da Convención do Patrimonio Mundial asinada en París en 1972, cun evento de primeira orde, que contará coa participación dos 49 bens españois rexistrados na Lista de Patrimonio Mundial da UNESCO, do que lles ofreceremos detalles chegado o momento. Esta celebración levará aparellada o XVI Encontro de Xestores de Patrimonio Mundial, tamén en Mérida, que supoñerá un valor engadido aos actos conmemorativos desta destacada efeméride".
Carlos García Carbayo agregou que "as Cidades Patrimonio da Humanidade compartimos unha maneira de vivir e de ser, cada unha cos nosos acenos de identidade propias, que explican por que somos un grupo cohesionado, capaz de sumar esforzos e deseñar estratexias comúns por encima de calquera outra consideración.
A Asemblea do Grupo de Cidades Patrimonio da Humanidade, celebrada en San Cristóbal de la Laguna, acolleu unha intensa xornada de traballo o venres que incluíu as reunións da Comisión de Patrimonio e da Executiva do Grupo, así como senllos encontros da delegación das 15 cidades co presidente do Cabildo de Tenerife, Pedro Martín, e co presidente do Parlamento de Canarias, Gustavo Matos.
Carlos García Carbayo concluíu subliñando que "as Cidades Patrimonio da Humanidade quixemos trasladar coa nosa presenza nesta Comunidade o noso agarimo cara a esta terra e as súas xentes e a nosa solidariedade cos canarios e cos palmeños, que seguen vivindo momentos duros e padecendo as terribles consecuencias da erupción do volcán".
Pola súa banda, o alcalde de San Cristóbal de la Laguna, Luís Yeray Gutiérrez, destacou "a importancia de que esta Asemblea ao máis alto nivel se celebrara en La Laguna, como epicentro das grandes xoias que ten o noso país. A nosa cidade acolleu unha Asemblea moi produtiva, na que se traballou na conservación e nos proxectos de futuro para seguir proxectando os nosos espazos monumentais e de convivencia. Quero facer fincapé na fortaleza do Grupo de Cidades Patrimonio da Humanidade e no seu apoio decidido á preservación e promoción do Patrimonio Mundial Unesco".
As Cidades Patrimonio da Humanidade formarán parte da plataforma de Destinos Intelixentes que desenvolve o Ministerio de Turismo
19/03/2022 O Grupo de Cidades Patrimonio da Humanidade de España celebrou esta mañá a súa Asemblea Xeral en San Cristóbal de La Laguna, á que asisitiu o alcalde de Santiago, Xosé Sánchez Bugallo. A seguinte terá lugar en Santiago de Compostela os días 13 e 14 de maio.
O presidente do Grupo de Cidades Patrimonio da Humanidade de España e alcalde de Salamanca, Carlos García Carbayo, anunciou hoxe que "as 15 cidades imos formar parte desa gran plataforma intelixente de destinos que está a impulsar o Ministerio de Turismo, a través de Seggitur, cun investimento de 130 millóns de euros, procedentes dos fondos europeos de resiliencia". O anuncio tivo lugar tras a celebración da Asemblea Xeral do Grupo na cidade de San Cristóbal de la Laguna.Carlos García Carbayo engadiu que "esta plataforma colocará a España á vangarda dos países turísticos, cunha aposta pola dixitalización que vai mellorar a nosa competitividade e que nos permitirá abordar o desafío da transformación dixital. É unha estupenda noticia que as nosas cidades singulares estean incluídas dentro dos destinos preferentes, xunto ás grandes urbes españolas e os destinos tradicionais de praia, que se van a promocionar a través desta plataforma. Estamos xa traballando na recompilación de datos necesarios para avanzar na primeira fase deste ambicioso desenvolvemento".
A Asemblea do Grupo de Cidades Patrimonio da Humanidade celebrouse no Convento de Santo Domingo, tras a foto de familia no Xardín do Drago, espazo de enorme valor patrimonial e natural, tal e como destacou o alcalde de San Cristóbal de la Laguna, Luís Yeray Gutiérrez. A reunión transcorreu ademais baixo as bandeiras de Ucraína, "en solidariedade e apoio coa poboación de Ucraína e para mostrar a nosa indignación pola invasión", segundo manifestou o presidente do Grupo, quen engadiu que "na Asemblea avanzamos en plans e proxectos en cada unha das nosas áreas de actuación e que estamos listos para despregar, unha vez que a crise sanitaria nos permita intensificar as nosas accións para a recuperación dos fluxos turísticos, a pesar da nova ameaza que supón a guerra de Ucraína, país que conta con toda a nosa solidariedade, como así deixamos patente a través da declaración institucional que aprobamos hai poucos días".
Con respecto ás novas accións en materia de promoción turística, o presidente do Grupo tamén anunciou que "concretamos o calendario das próximas accións de promoción nacional e internacional que imos levar a cabo este ano. O próximo 29 de abril estaremos en Málaga; e da man de Paradores visitaremos Lisboa o 10 de maio e México, na semana do 13 de xuño". O Grupo tamén se vai a promocionar nas feiras internacionais de Paris, Bruxelas e nas xornadas turísticas que terán lugar en Miami, onde o Grupo está en contacto cos principais operadores turísticos de Florida, en colaboración con Turespaña.
Carlos García Carbayo informou sobre "a campaña de publicidade nacional que estamos a preparar, que este ano alcanza 250.000 euros continuando o esforzo que realizamos en 2021 en materia publicitaria".
Entre as próximas citas culturais, o presidente do Grupo informou de que os alcaldes e alcaldesas do Grupo van acompañar ao alcalde de Santiago de Compostela, Xosé Sánchez Bugallo, os próximos 13 e 14 de maio na súa cidade, con motivo do Ano Santo Compostelán.
En materia de cultura, cuxa comisión preside o alcalde de Santiago de Compostela, a Asemblea do Grupo tamén acordou retomar o Circuito de Carreiras Cidades Patrimonio, que se tivo que suspender pola pandemia. Segundo o presidente, "a principios do mes de abril imos dar a coñecer os detalles da programación desta actividade nunha presentación que acolleremos en Salamanca".
Ademais, García Carbayo subliñou que "estamos a traballar intensamente na preparación da quinta edición da Noite do Patrimonio 2022, que terá lugar o 17 de setembro de maneira simultánea en todas as cidades do grupo, unha iniciativa inédita en Europa, que este ano volverá contar co apoio financeiro do Ministerio de Cultura e Deporte".
O Grupo propúxose, en palabras do presidente, "darlle un xiro de 180 graos ao programa Aula Patrimonio, para a convocatoria do curso 2022-2023. Precisamente, o luns, día 21, os nosos técnicos de Educación reuniranse para abordar as novidades que incorporaremos nesta iniciativa e coas que queremos incluír as novas tecnoloxías e as novas linguaxes para facela máis atractiva e participativa".
O calendario de eventos culturais de 2022 inclúe a organización do Ciclo de Música de Cámara da Escola Superior de Música Raíña Sofía, que este ano alcanzará a súa décima edición, e que está previsto para outono. Carlos García Carbayo avanzou que "como antesala do Ciclo, no mes de xullo, a Escola ofrecerá en Salamanca un concerto moi especial, que será retransmitido en directo pola 2 de TVE e co que queremos reeditar o éxito do evento que gozamos o ano pasado en Mérida".
En materia de patrimonio, cuxa comisión preside o alcalde de San Cristóbal de la Laguna, Luís Yeray Gutiérez, o presidente do Grupo puxo de manifesto que "imos continuar co ronsel marcado polo seminario sobre xestión de patrimonio celebrado recentemente en Salamanca e que contou cunha gran acollida e a presenza de expertos de gran nivel. Nesa liña, o próximo 19 de abril, en Úbeda, imos celebrar a Xornada Informativa ‘Patrimonio Mundial e Obxectivos de Desenvolvemento Sostible’, coordinadas por Paradores e dirixidas a quen desempeña as xefaturas de Turismo das nosas cidades Patrimonio, para reforzar a súa formación neste ámbito co que as 15 cidades estamos aliñadas e comprometidas".
Finalmente, o presidente do Grupo anunciou "a celebración en Mérida do 50 aniversario da Convención do Patrimonio Mundial asinada en París en 1972, cun evento de primeira orde, que contará coa participación dos 49 bens españois rexistrados na Lista de Patrimonio Mundial da UNESCO, do que lles ofreceremos detalles chegado o momento. Esta celebración levará aparellada o XVI Encontro de Xestores de Patrimonio Mundial, tamén en Mérida, que supoñerá un valor engadido aos actos conmemorativos desta destacada efeméride".
Carlos García Carbayo agregou que "as Cidades Patrimonio da Humanidade compartimos unha maneira de vivir e de ser, cada unha cos nosos acenos de identidade propias, que explican por que somos un grupo cohesionado, capaz de sumar esforzos e deseñar estratexias comúns por encima de calquera outra consideración.
A Asemblea do Grupo de Cidades Patrimonio da Humanidade, celebrada en San Cristóbal de la Laguna, acolleu unha intensa xornada de traballo o venres que incluíu as reunións da Comisión de Patrimonio e da Executiva do Grupo, así como senllos encontros da delegación das 15 cidades co presidente do Cabildo de Tenerife, Pedro Martín, e co presidente do Parlamento de Canarias, Gustavo Matos.
Carlos García Carbayo concluíu subliñando que "as Cidades Patrimonio da Humanidade quixemos trasladar coa nosa presenza nesta Comunidade o noso agarimo cara a esta terra e as súas xentes e a nosa solidariedade cos canarios e cos palmeños, que seguen vivindo momentos duros e padecendo as terribles consecuencias da erupción do volcán".
Pola súa banda, o alcalde de San Cristóbal de la Laguna, Luís Yeray Gutiérrez, destacou "a importancia de que esta Asemblea ao máis alto nivel se celebrara en La Laguna, como epicentro das grandes xoias que ten o noso país. A nosa cidade acolleu unha Asemblea moi produtiva, na que se traballou na conservación e nos proxectos de futuro para seguir proxectando os nosos espazos monumentais e de convivencia. Quero facer fincapé na fortaleza do Grupo de Cidades Patrimonio da Humanidade e no seu apoio decidido á preservación e promoción do Patrimonio Mundial Unesco".