MEDIO AMBIENTE
O alcalde compostelán amosou a súa satisfacción polo feito de que Santiago vaia contar "coa tecnoloxía que menos ocupa, que menos molestias ocasiona, que menos impacto ten e con maior calidade de vertedura", froito, sinalou, da colaboración institucional, como tamén quixo salientar a conselleira de Infraestruturas e Mobilidade. "Coa suma de esforzos acadamos os mellores proxectos e isto é un exemplo", indicou. Pola súa banda, a directora de Acuaes fixo fincapé en que en 2026 esta depuradora será "unha realidade para todos os cidadáns" de Santiago e arredores.
A alternativa seleccionada finalmente está comprometida cos obxectivos de desenvolvemento sustentable e permitirá desenvolver unha instalación eficiente e innovadora que dará resposta aos graves problemas de contaminación existentes na contorna do río Sar. Unha vez finalizadas as obras, cuxa investimento previsto ascende a 68 millóns de euros, a depuradora terá unha capacidade de tratamento futuro de 277.000 habitantes equivalentes e permitirá pretratar a totalidade do caudal que chega polo emisario do río Sar en época de tormenta, realizando unha vertedura compatible coa calidade ambiental do medio receptor.
Características técnicas
A infraestrutura contempla un pretratamiento con capacidade futura para 4,5 m3/sg, capaz de asumir as puntas de caudal que chegan polo emisario do río Sar en tempo de choivas. Dispón un tratamento primario e de auga de tormentas mediante decantación lamelar para un caudal de 2,25 m3/sg e un tratamento biolóxico por lodos activos, con membranas de ultrafiltración, que obtén unha vertedura con calidade superior á esixida para zona sensible. Para o tratamento dos lodos inclúese dixestión anaerobia con hidrolisis térmica, que permitirá a xeración de enerxía para autoconsumo e o emprego na agricultura dos lodos deshidratados.
A nova depuradora disporá dentro do tratamento biolóxico dun reactor de membranas MBR, unha das tecnoloxías de depuración máis avanzadas, e que permitirá alcanzar unha calidade do efluente compatible co esixido para o río Sar pola planificación hidrolóxica. Ademais, e apoiándose na súa capacidade para a eliminación de virus e bacterias, esta tecnoloxía permitirá a reutilización da auga tratada para os usos contemplados na lexislación vixente nesta materia (Real Decreto 1620/2007).
Outra das súas principais vantaxes é que se trata dun sistema de tratamento moi compacto e que, por tanto, está especialmente indicada para lugares onde se conta cun espazo limitado e requírese unha alta calidade da vertedura, como é o caso. Ademais, a nova instalación conta con sistema de desodorización de última xeración que permitirá unha operación compatible cos usos que se desenvolven na súa contorna.
A integración paisaxística, que se apoia nun baixo grao de ocupación en superficie e na xeración de espazos abertos que facilitan a asimilación dos distintos procesos de tratamento, é sobresaliente mentres que o deseño do edificio de control confírelle un carácter icónico que reforza a imaxe de modernidade do conxunto.
As obras desenvolveranse por fases, de forma que durante todas elas se manteñan como mínimo os actuais parámetros de vertedura ao río Sar. Así, nunha primeira fase construirase na parcela contigua de 6.000m2, situada ao norte, a instalación do futuro pretratamiento e do tratamento primario. Con estas instalacións en funcionamento, posibilitarase ir demolendo por fases a actual instalación e construíndo a nova infraestrutura que, á súa vez, irase pondo en funcionamento secuencialmente a medida que o vaia requirindo a demolición das antigas instalacións.
Está previsto que o proxecto sexa cofinanciado polos fondos Next Generation da Unión Europea, en virtude do convenio de colaboración que ACUAES, a Xunta de Galicia e o Concello de Santiago asinaron o 5 de febreiro de 2021 para a execución e explotación da instalación.
Santiago de Compostela terá unha depuradora sustentable, eficiente e de deseño innovador cun investimento previsto de 68 millóns de euros
13/07/2021 O Pazo de Raxoi acolleu esta mañá a presentación do proxecto da oferta adxudicada para a construción da depuradora de Silvouta, que terá unha capacidade de tratamento futuro de 277.000 habitantes equivalentes e permitirá pretratar a totalidade do caudal que chega polo emisario do río Sar en época de tormenta, realizando unha vertedura compatible coa calidade ambiental do medio receptor. Está previsto que o proxecto sexa cofinanciado polos fondos Next Generation da Unión Europea, en virtude do convenio de colaboración que Acuaes, a Xunta de Galicia e o Concello de Santiago asinaron o 5 de febreiro para a execución e explotación da instalación.
A sociedade mercantil estatal Aguas de las Cuencas de España, S.A. (ACUAES), do Ministerio para a Transición Ecolóxica e o Reto Demográfico, deu a coñecer hoxe a solución adxudicataria do proceso de diálogo competitivo para a construción da nova depuradora de Silvouta nun acto no que participaron o alcalde de Santiago de Compostela, Xosé Sánchez Bugallo; a conselleira de Infraestruturas e Mobilidade da Xunta de Galicia e presidenta de Augas de Galicia, Ethel Vázquez; e a directora xeral da sociedade mercantil estatal, Rosa Cobo.O alcalde compostelán amosou a súa satisfacción polo feito de que Santiago vaia contar "coa tecnoloxía que menos ocupa, que menos molestias ocasiona, que menos impacto ten e con maior calidade de vertedura", froito, sinalou, da colaboración institucional, como tamén quixo salientar a conselleira de Infraestruturas e Mobilidade. "Coa suma de esforzos acadamos os mellores proxectos e isto é un exemplo", indicou. Pola súa banda, a directora de Acuaes fixo fincapé en que en 2026 esta depuradora será "unha realidade para todos os cidadáns" de Santiago e arredores.
A alternativa seleccionada finalmente está comprometida cos obxectivos de desenvolvemento sustentable e permitirá desenvolver unha instalación eficiente e innovadora que dará resposta aos graves problemas de contaminación existentes na contorna do río Sar. Unha vez finalizadas as obras, cuxa investimento previsto ascende a 68 millóns de euros, a depuradora terá unha capacidade de tratamento futuro de 277.000 habitantes equivalentes e permitirá pretratar a totalidade do caudal que chega polo emisario do río Sar en época de tormenta, realizando unha vertedura compatible coa calidade ambiental do medio receptor.
Características técnicas
A infraestrutura contempla un pretratamiento con capacidade futura para 4,5 m3/sg, capaz de asumir as puntas de caudal que chegan polo emisario do río Sar en tempo de choivas. Dispón un tratamento primario e de auga de tormentas mediante decantación lamelar para un caudal de 2,25 m3/sg e un tratamento biolóxico por lodos activos, con membranas de ultrafiltración, que obtén unha vertedura con calidade superior á esixida para zona sensible. Para o tratamento dos lodos inclúese dixestión anaerobia con hidrolisis térmica, que permitirá a xeración de enerxía para autoconsumo e o emprego na agricultura dos lodos deshidratados.
A nova depuradora disporá dentro do tratamento biolóxico dun reactor de membranas MBR, unha das tecnoloxías de depuración máis avanzadas, e que permitirá alcanzar unha calidade do efluente compatible co esixido para o río Sar pola planificación hidrolóxica. Ademais, e apoiándose na súa capacidade para a eliminación de virus e bacterias, esta tecnoloxía permitirá a reutilización da auga tratada para os usos contemplados na lexislación vixente nesta materia (Real Decreto 1620/2007).
Outra das súas principais vantaxes é que se trata dun sistema de tratamento moi compacto e que, por tanto, está especialmente indicada para lugares onde se conta cun espazo limitado e requírese unha alta calidade da vertedura, como é o caso. Ademais, a nova instalación conta con sistema de desodorización de última xeración que permitirá unha operación compatible cos usos que se desenvolven na súa contorna.
A integración paisaxística, que se apoia nun baixo grao de ocupación en superficie e na xeración de espazos abertos que facilitan a asimilación dos distintos procesos de tratamento, é sobresaliente mentres que o deseño do edificio de control confírelle un carácter icónico que reforza a imaxe de modernidade do conxunto.
As obras desenvolveranse por fases, de forma que durante todas elas se manteñan como mínimo os actuais parámetros de vertedura ao río Sar. Así, nunha primeira fase construirase na parcela contigua de 6.000m2, situada ao norte, a instalación do futuro pretratamiento e do tratamento primario. Con estas instalacións en funcionamento, posibilitarase ir demolendo por fases a actual instalación e construíndo a nova infraestrutura que, á súa vez, irase pondo en funcionamento secuencialmente a medida que o vaia requirindo a demolición das antigas instalacións.
Está previsto que o proxecto sexa cofinanciado polos fondos Next Generation da Unión Europea, en virtude do convenio de colaboración que ACUAES, a Xunta de Galicia e o Concello de Santiago asinaron o 5 de febreiro de 2021 para a execución e explotación da instalación.