EDUCACION
A utilización do aparcadoiro en superficie do centro comercial As Cancelas dá resposta ás necesidades de aparcamento manifestadas pola ANPA do CEIP Monte dos Postes, e ao mesmo tempo, mellora a mobilidade urbana e a seguridade na contorna do centro escolar.
O aparcadoiro das Cancelas abrirá quince minutos antes para facilitar a mobilidade das familias do alumnado do CEIP Monte dos Postes
24/04/2021 A partir do próximo luns, 26 de abril, o aparcadoiro en superficie do centro comercial As Cancelas abrirá as súas portas ás 08:45 h. da mañá, para que as familias do alumando do CEIP Monte dos Postes poidan estacionar alí cando van levar aos seus fillos e fillas á escola.
Así llo confirmou a xerencia de As Cancelas ao departamento de Educación, despois da reunión mantida, a mediados de semana, co concelleiro Rubén Prol. O concello de Santiago agradece este xesto e a predisposición e colaboración amosada polo novo xerente do centro comercial, Javier Nicolás Blanco.A utilización do aparcadoiro en superficie do centro comercial As Cancelas dá resposta ás necesidades de aparcamento manifestadas pola ANPA do CEIP Monte dos Postes, e ao mesmo tempo, mellora a mobilidade urbana e a seguridade na contorna do centro escolar.