ALCALDÍA
AUE
A AUE (Axenda Urbana Española) é un documento estratéxico, sen carácter normativo, e por tanto de adhesión voluntaria, que, de conformidade cos criterios establecidos pola Axenda 2030, a nova Axenda Urbana das Nacións Unidas e a Axenda Urbana para a Unión Europea persegue o logro da sustentabilidade nas políticas de desenvolvemento urbano. Ademais, a Axenda Urbana Española constitúe un método de traballo e un proceso para todos os actores, públicos e privados, que interveñen nas cidades e que buscan un desenvolvemento equitativo, xusto e sustentable desde os seus distintos campos de actuación.
Tras un intenso traballo de elaboración e un amplo proceso participativo que durou case un ano, esta estratexia de desenvolvemento urbano de carácter integrado ofrece un Decálogo de Obxectivos Estratéxicos que despregan, á súa vez, un total de 30 obxectivos específicos, e 291 liñas de actuación, pondo a disposición de quen estean interesados na súa implementación, un verdadeiro "menú á carta" para que poidan elaborar os seus propios Plans de acción. Todo iso desde unha ampla visión que inclúe a todos os pobos e cidades con independencia do seu tamaño e poboación, e baixo o triplo prisma da sustentabilidade económica, social e medio ambiental.
O pasado mes de xaneiro, Xosé Sánchez Bugallo foi designado polo pleno da FEMP, a Federación Española de Municipios e Provincias, como representante no Foro Local Para a Axenda Urbana Española.
Reunión do alcalde co secretario xeral de Axenda Urbana para coordinar a elaboración da AUE e a participación do Concello nos programas europeos
09/02/2021 O alcalde de Santiago, Xosé Sánchez Bugallo, mantivo hoxe unha videoconferencia co secretario xeral de Axenda Urbana e Vivenda do Ministerio de Transportes, Mobilidade e Axenda Urbana, Francisco David Lucas Parrón. Segundo explicou o rexedor, na reunión tratouse a colaboración entre ambas entidades, "a efectos de coordinar a actuación tanto para a elaboración da Axenda Urbana, como para participar nos programas europeos que se abren dentro do Fondo Europeo de Reconstrución" vinculados á citada axenda.
Sánchez Bugallo sinalou que se vai traballar nun protocolo ou convenio de colaboración entre ambas partes para a elaboración da Axenda Urbana, "e por suposto o Concello de Santiago vai traballar nas diferentes liñas que se abren, tanto en materia de rehabilitación de vivendas e de barrios da propia cidade, que se poden acoller aos programas europeos, como en materia de mobilidade". O alcalde avanzou que "ao longo do próximo mes presentaremos as nosas propostas".AUE
A AUE (Axenda Urbana Española) é un documento estratéxico, sen carácter normativo, e por tanto de adhesión voluntaria, que, de conformidade cos criterios establecidos pola Axenda 2030, a nova Axenda Urbana das Nacións Unidas e a Axenda Urbana para a Unión Europea persegue o logro da sustentabilidade nas políticas de desenvolvemento urbano. Ademais, a Axenda Urbana Española constitúe un método de traballo e un proceso para todos os actores, públicos e privados, que interveñen nas cidades e que buscan un desenvolvemento equitativo, xusto e sustentable desde os seus distintos campos de actuación.
Tras un intenso traballo de elaboración e un amplo proceso participativo que durou case un ano, esta estratexia de desenvolvemento urbano de carácter integrado ofrece un Decálogo de Obxectivos Estratéxicos que despregan, á súa vez, un total de 30 obxectivos específicos, e 291 liñas de actuación, pondo a disposición de quen estean interesados na súa implementación, un verdadeiro "menú á carta" para que poidan elaborar os seus propios Plans de acción. Todo iso desde unha ampla visión que inclúe a todos os pobos e cidades con independencia do seu tamaño e poboación, e baixo o triplo prisma da sustentabilidade económica, social e medio ambiental.
O pasado mes de xaneiro, Xosé Sánchez Bugallo foi designado polo pleno da FEMP, a Federación Española de Municipios e Provincias, como representante no Foro Local Para a Axenda Urbana Española.