ALCALDÍA
A continuación entregáronse as medallas conmemorativas e falou unha representante dos familiares dos represaliados, Nuria Calvet, filla de Fernando Calvet Prats (1903-1988), catedrático de Química orgánica da USC. O acto rematou coa actuación do grupo musical Marful.
Afastamento da docencia
Esta homenaxe, na que participaron preto de 100 de familiares do persoal represaliado chegados de varios países, quería ser un acto de xustiza con todos aqueles integrantes da Universidade de Santiago sometidos a procesos depuradores tras o Golpe de Estado de 1936. Estes feitos provocaron un afastamento definitivo da docencia, o exilio e, en definitiva, unha irreparable perda para a institución universitaria ao excluír un capital humano e científico de gran potencialidade.
En total foron 44 profesores e cinco traballadores da administración e servizos os represaliados da USC. Pero ao mesmo tempo rendeuse homenaxe a aqueles profesores doutras universidades que impartiran docencia en Santiago e aos que, sendo galegos, traballaron noutras institucións españolas e tamén sufriron a represión ou o exilio.
Homenaxe aos represaliados da USC entre 1936 e 1940
14/03/2007 A Universidade de Santiago (USC) rendeu homenaxe aos profesores, estudantes e persoal represaliados entre 1936 e 1940. O acto celebrouse no Paraninfo da Universidade, na Facultade de Xeografía e Historia, e consistiu na entrega aos familiares dunhas medallas conmemorativas.
O reitor da USC, Senén Barro, foi o encargado de abrir a cerimonia á que, entre outros, tamén asistiron o alcalde compostelán, Xosé A. Sánchez Bugallo, e a conselleira de Cultura, Ánxela Bugallo. Interviron o vicerreitor de Relacións Institucionais, Lourenzo Fernández, e o autor do libro "Ciencia e Conciencia na Universidade de Santiago (1900-1940)", Ricardo Gurriarán, un dos responsables, xunto cun equipo de investigadores da USC, de recompilar a listaxe e documentación sobre o proceso de depuración na USC.A continuación entregáronse as medallas conmemorativas e falou unha representante dos familiares dos represaliados, Nuria Calvet, filla de Fernando Calvet Prats (1903-1988), catedrático de Química orgánica da USC. O acto rematou coa actuación do grupo musical Marful.
Afastamento da docencia
Esta homenaxe, na que participaron preto de 100 de familiares do persoal represaliado chegados de varios países, quería ser un acto de xustiza con todos aqueles integrantes da Universidade de Santiago sometidos a procesos depuradores tras o Golpe de Estado de 1936. Estes feitos provocaron un afastamento definitivo da docencia, o exilio e, en definitiva, unha irreparable perda para a institución universitaria ao excluír un capital humano e científico de gran potencialidade.
En total foron 44 profesores e cinco traballadores da administración e servizos os represaliados da USC. Pero ao mesmo tempo rendeuse homenaxe a aqueles profesores doutras universidades que impartiran docencia en Santiago e aos que, sendo galegos, traballaron noutras institucións españolas e tamén sufriron a represión ou o exilio.