XUNTA DE GOBERNO
Hai tres tipos de bolsas: as de comedor, cun máximo de 90 euros ao mes; as destinadas á realización de actividades extraescolares, ata un máximo de 30 euros ao mes; e as bolsas para adquisición de material escolar, cun máximo de 60 euros a través dun pago único. A estas modalidades hai que sumar unha máis, a das bolsas para facilitar a conciliación da vida persoal, familiar e laboral.
En principio, o período subvencionable é de setembro de 2020 a xuño de 2021 (ambos os dous incluídos), para as becas de comedor. Para as de actividades extraescolares é de outubro de 2020 ata xuño de 2021 (ambos os dous incluídos), e para a adquisición de material escolar, dende a publicación das bases no BOP da provincia de A Coruña ata o período máximo de xustificación do material escolar.
Integración laboral
Seguindo no ámbito social, a Xunta de Goberno aceptou unha subvención, concedida pola Consellería de Economía, Emprego e Industria para a contratación temporal de desempregados/as perceptores/as de RISGA no exercicio 2020. A subvención, por 272.037 euros, permitirá a contratación de 20 traballadores/as por un período de sete meses (tres técnicos/as administrativos/as, nove administrativos/as, sete auxiliares administrativos/as e un/unha telefonista).
O Concello destina 620.000 euros á convocatoria de bolsas de comedor, compra de material escolar e actividades extraescolares
22/06/2020 A Xunta de Goberno Local aprobou a convocatoria de bolsas de comedor, adquisición de material escolar e actividades extraescolares para o alumnado dos centros docentes públicos e concertados sostidos con fondos públicos de educación infantil (2º ciclo) e de educación primaria obrigatoria para o curso 2020/2021. A convocatoria publicarase en breve no Boletín Oficial da Provincia (BOP).
Tal como apuntou o alcalde, Xosé Sánchez Bugallo, a esta convocatoria destínanse 620.000 euros, se ben dixo que esta contía podería ampliarse no caso de no cubrir todas as necesidades coa partida inicial. Estas bolsas están destinadas a unidades familiares e de convivencia que, por escaseza de recursos económicos, teñen dificultades ou non poden facer fronte aos gastos relacionados coa escolarización de menores que teñen ao seu cargo.Hai tres tipos de bolsas: as de comedor, cun máximo de 90 euros ao mes; as destinadas á realización de actividades extraescolares, ata un máximo de 30 euros ao mes; e as bolsas para adquisición de material escolar, cun máximo de 60 euros a través dun pago único. A estas modalidades hai que sumar unha máis, a das bolsas para facilitar a conciliación da vida persoal, familiar e laboral.
En principio, o período subvencionable é de setembro de 2020 a xuño de 2021 (ambos os dous incluídos), para as becas de comedor. Para as de actividades extraescolares é de outubro de 2020 ata xuño de 2021 (ambos os dous incluídos), e para a adquisición de material escolar, dende a publicación das bases no BOP da provincia de A Coruña ata o período máximo de xustificación do material escolar.
Integración laboral
Seguindo no ámbito social, a Xunta de Goberno aceptou unha subvención, concedida pola Consellería de Economía, Emprego e Industria para a contratación temporal de desempregados/as perceptores/as de RISGA no exercicio 2020. A subvención, por 272.037 euros, permitirá a contratación de 20 traballadores/as por un período de sete meses (tres técnicos/as administrativos/as, nove administrativos/as, sete auxiliares administrativos/as e un/unha telefonista).