ALCALDÍA
O alcalde recibiu ao novo cónsul xeral de Cuba en Galicia
06/02/2007 Alejandro Fuentes vén de ser nomeado cónsul xeral de Cuba en Galicia, en substitución de María Sánchez. Con motivo da súa incorporación ao cargo, quixo manter un primeiro contacto con alcalde compostelán, Xosé A. Sánchez Bugallo, que o recibiu en Raxoi.
Na xuntanza, Fuentes reiteroulle a Sánchez Bugallo a vontade de prolongar a colaboración mantida pola súa antecesora. Cómpre lembrar que o Consulado de Cuba en Galicia inaugurou no mes de novembro o seu novo edificio, en Santa Isabel. A máxima representación diplomática do país caribeño ten a súa sede central na capital de Galicia dende 1994.