CULTURA
O grupo Anakos nacera ao longo de 1985, cando un grupo de artistas plásticos, que xa viñan expoñendo con regularidade, foron coincidindo en manifestacións artístico-culturais, coñecéndose e pondo en práctica proxectos e ideas comúns. De todo estes contactos e da necesidade de levar a cabo proxectos expositivos maiores en espazos diferentes dos pubs, xurdiu o colectivo xa en 1986. A presentación pública de Anakos, composto inicialmente por sete artistas, foi no Museo do Pobo Galego, a principios do ano 87.
"Memoria. Pinturas" rememora a primeira exposición do colectivo Anakos
31/01/2007 O Museo do Pobo Galego, o primeiro lugar onde expuxera a principios de 1987 o colectivo "Anakos", acolle agora unha exposición que recorda aquela mostra. Dos membros orixinais reuníronse para esta ocasión Xosé Antón Castaño, Luís Iglesias Diz, Xurxo Martiño e Nolo Suárez. A mostra inaugúrase o xoves 1 de febreiro.
"Son obras actuais, variadas e en diversos formatos", apunta Nolo Suárez sobre o contido desta mostra, que na tamén se poderán observar diversos obxectos relacionados cos artistas e unha proxección con outras obras dos mesmos.O grupo Anakos nacera ao longo de 1985, cando un grupo de artistas plásticos, que xa viñan expoñendo con regularidade, foron coincidindo en manifestacións artístico-culturais, coñecéndose e pondo en práctica proxectos e ideas comúns. De todo estes contactos e da necesidade de levar a cabo proxectos expositivos maiores en espazos diferentes dos pubs, xurdiu o colectivo xa en 1986. A presentación pública de Anakos, composto inicialmente por sete artistas, foi no Museo do Pobo Galego, a principios do ano 87.