POLÍTICAS SOCIAIS
A concelleira de Políticas Sociais reúnese co Colexio Oficial de Graduados e Graduadas Sociais da Coruña
09/07/2018 A concelleira de Políticas Sociais, Diversidade, Saúde e Centros Cívicos, Concha Fernández, recibiu esta mañá o equipo directivo do Colexio Oficial de Graduados Sociais da Coruña. Na xuntanza estiveron presentes a súa presidenta, Susana Soneira, e os vicepresidentes da entidade, Alejandro Pérez e Jesús Vazquez.
Trasladáronlle á edila o novo servizo de orientación xurídico laboral que puxeron en marcha noutros concellos galegos e que ten como fin asesorar aos veciños e veciñas en materia laboral, xurídico-laboral e de Seguridade Social. O servizo debe solicitarse no Colexio Oficial de Graduados e Graduadas Sociais por teléfono, correo electrónico ou fax.